Qostanai qalasynda «Halyq Konstitusiiasy – ūlttyq qūndylyqtar men bırlıktıŋ ainasy» taqyrybynda Qazaqstan Respublikasynyŋ jaŋa Konstitusiiasyn qoldauǧa arnalǧan saraptamalyq alaŋ öttı.
Is-şaranyŋ negızgı maqsaty – jaŋa Konstitusiianyŋ basty erejelerın talqylau, onyŋ mazmūny men praktikalyq maŋyzyn tüsındıru, sondai-aq azamattardyŋ qūqyqtary men bostandyqtaryn qorǧauǧa, memlekettık qūrylysty nyǧaituǧa jäne eldıŋ tūraqty damuyn qamtamasyz etuge baǧyttalǧan konstitusiialyq qaǧidattardy keŋınen tüsındıru boldy.
Jiynǧa Qostanai oblysy äkımınıŋ orynbasary Baqytjan Haberovich Narymbetov moderator retınde qatysyp, kırıspe söz söiledı. Sonymen qatar Qazaqstan Respublikasy Parlamentı Mäjılısınıŋ deputaty Ünzıla Şapaq, Senat deputaty Bibıgül Berkutovna Aqqojina, Qostanai oblystyq mäslihatynyŋ töraǧasy, Konstitusiialyq reforma jönındegı komissiia müşesı Sailaubek Erǧazievich Eşanov, Qostanai oblystyq Qoǧamdyq keŋesınıŋ töraǧasy Serık Şyŋǧysūly Bektūrǧanov, «AMANAT» partiiasy Qostanai oblystyq filialynyŋ töraǧasy, «Ädılettı jäne Progressivtı Qazaqstannyŋ Halyqtyq Konstitusiiasy üşın!» öŋırlık koalisiiasynyŋ töraǧasy Almat Qakimjanūly Dosmūhamedov baiandama jasady.
Spikerler öz sözderınde Konstitusiianyŋ qoǧamdaǧy rölıne, ūlttyq qūndylyqtardy saqtaudaǧy maŋyzyna, azamattyq bırlıktı nyǧaitudaǧy jäne ädılettı memleket qalyptastyrudaǧy ornyna erekşe toqtaldy.
Is-şara barysynda qatysuşylar arasynda sūraq-jauap alaŋy ūiymdastyrylyp, özektı mäseleler boiynşa pıkır almasu öttı. Sarapşylar jaŋa Konstitusiianyŋ halyq müddesıne negızdelgenın jäne eldıŋ bolaşaq damuyna berık qūqyqtyq negız qalyptastyratynyn atap öttı.
