Berlinde Resei paidasyna tyŋşylyq jasady degen küdıkpen Qazaqstan azamaty ūstaldy. Onyŋ tolyq aty-jönı jariialanǧan joq, dep habarlaidy «Adyrna» tılşısı Spiegel-ge sılteme jasap.
Qūjattarda ol Sergei K. dep körsetılgen. Germaniianyŋ Bas prokuraturasynyŋ mälımetınşe, er adamdy Federaldyq qylmystyq polisiia basqarmasynyŋ qyzmetkerlerı tūtqyndaǧan. 29 säuırde sot ony qamauǧa alu mäselesın qaraidy.
Tergeu nūsqasy boiynşa, Sergei K. kemınde 2025 jyldyŋ mamyr aiynan berı Resei arnaiy qyzmetterımen bailanysta bolyp, olarǧa aqparat berıp otyrǧan. Äŋgıme, atap aitqanda, Germaniianyŋ Ukrainaǧa körsetken äskeri kömegıne jäne nemıs qorǧanys önerkäsıbınıŋ jaǧdaiyna qatysty derekter turaly bolyp otyr. Airyqşa qyzyǧuşylyq drondar men robototehnika öndıretın kompaniialarǧa baǧyttalǧany aityldy.
Tergeuşıler küdıktınıŋ avtomagistraldardaǧy äskeri kolonnalardy, sonyŋ ışınde NATO elderınıŋ konvoilaryn, sondai-aq Berlindegı memlekettık ǧimarattardy suretke tüsırgenın de alǧa tartady. Sonymen qatar ol barlau qyzmetındegı tanystaryna Germaniiadaǧy diversiia jasauǧa qolaily nysandar turaly aqparat berıp, diversiialyq-tyŋşylyq tobyna qosymşa adamdardy tartudy ūsynǧan.
Seisenbı künı küdıktınıŋ päterınde tıntu jürgızıldı. Sondai-aq ıske qatysy joq dep sanalatyn taǧy bır adamnyŋ üiınde de tıntu bolǧan. Tıntu nätijelerı turaly bilık organdary habarlaǧan joq.
Qauıpsızdık qūrylymdaryndaǧy derekközderdıŋ aituynşa, Sergei K.-nyŋ būryn Ukrainadaǧy Donesk oblysynda Resei jaǧynda äskeri ıs-qimyldarǧa qatysqanyna qatysty derekter bar.
Qazaqstan syrtqy ıster ministrlıgı äzırge būǧan qatysty mälımet taratpady.
Eske salaiyq, ötken jyldyŋ 30 şıldesınde Polşa bilıgı Bydgoş qalasynda Ortalyq Aziia elderınıŋ bırınıŋ syrtqy barlau qyzmetınıŋ ofiserı ūstalyp, üş aiǧa qamauǧa alynǧanyn mälımdegen edı. Keiınnen onyŋ Qazaqstan azamaty ekenı anyqtaldy.
