Qazaqstan halqynyŋ bırlıgı künı Qaraǧandy oblysynyŋ barlyq öŋırınde keŋ kölemde atalyp ötude. Öŋırde jüzden astam etnos ökılderı tatu-tättı ömır sürıp keledı, sondai-aq 60-qa juyq etnomädeni bırlestık jūmys ısteidı. Merekelık baǧdarlamanyŋ basty özegı – äraluandyqqa qaramastan bırlıktıŋ berık boluynda. Sahnalarda türlı halyqtardyŋ şyǧarmaşylyǧynan qūralǧan jarqyn körınıster ūsynylyp, būl qazaqstandyq qoǧamnyŋ bailyǧy men bıregeilıgın aişyqtai tüstı.
Qaraǧandy qalasyndaǧy negızgı merekelık ıs-şaralar Ortalyq saiabaqta ötude. Mereke «Bırlık — el tıregı» atty konserttık baǧdarlamamen aşyldy. Sahnada jergılıktı körkemönerpazdar ūjymdary men arnaiy şaqyrylǧan önerpazdar öner körsettı.
Kün raiy da merekege erekşe jylulyq syilady. Şuaqty köŋıl küi sahnadan da sezıldı. «Naz» memlekettık bi teatry «Ǧajaiyp älem» balalar ansamblımen bırge «Dostyq» kompozisiiasyn oryndady.
Būl qoiylym är kezeŋde jolǧa jaryq syilap, jürekterge jylu ūialatatyn künnıŋ nyşanyna ainaldy.
Äsem kostiumder, ūlttyq äuender men horeografiia halyq önerınıŋ jandy mozaikasyn qalyptastyrdy.
— Būl merekenıŋ mänı erekşe ärı kielı. Sebebı ol halqymyzdyŋ ırgelı ärı jasampaz qūndylyqtaryn därıpteidı. Öŋırımızde ondaǧan etnos ökılderı dostyq pen kelısımde ömır sürıp, Ädılettı Qazaqstannyŋ «Bız ärtürlımız, bıraq bärımız teŋbız» qaǧidatyn jüzege asyryp keledı. Bızdıŋ jetıstıkterımız — ortaq eŋbek, özara tüsınıstık pen bır-bırımızge degen qūrmettıŋ nätijesı. Bügınde merekelık şaralar oblystyŋ barlyq aumaǧynda ötıp jatyr. Öŋır tūrǧyndary chellendjderge, qaiyrymdylyq aksiialaryna, «Taza Qazaqstan» ūlttyq jobasyna qatysu arqyly özderınıŋ ūiymşyldyǧy men bırlıgın körsetude, — dep Qaraǧandy oblysynyŋ äkımı Ermaǧanbet Bölekpaev tūrǧyndardy merekemen qūttyqtap, barşaǧa beibıtşılık, süiıspenşılık pen özara tüsınıstık tıledı.
Merekelık baǧdarlamanyŋ jarqyn qorytyndysy retınde türlı halyqtardyŋ tılınde oryndalǧan «Tuǧan jer» kompozisiiasy şyrqaldy. Soŋynda önerpazdar Qazaqstan halqynyŋ bırlıgı, beibıtşılıgı men dostyǧyn bıldıretın şaŋyraqty köterdı.
Is-şaranyŋ maŋyzdy bölıkterınıŋ bırı «Taza Qazaqstan» fleşmoby boldy.
Saiabaqtyŋ ortalyq alaŋynda halyq şeberlerı öz jūmystaryn köpşılık nazaryna ūsyndy.
Sondai-aq körme aiasynda şeberlık sabaqtary ūiymdastyryldy.
Qaraǧandylyq Säule Qasenova būryn sportpen ainalysqan, keiın kiız basu önerın meŋgergen.
— Öŋırlık käsıpkerler palatasynyŋ habarlandyruyn kördım. Būǧan deiın mūndai ıspen ainalysyp körmegen edım. Nemerelerıme pima basyp köru üşın täuekel ettım. Tegın oqyp şyqtym, keiın būl ıs menı qatty qyzyqtyryp, öz käsıbımdı aştym. Qazır assortimentımdı keŋeitıp jatyrmyn: şärkei, taqiia, kartinalar, keudeşeler, oiynşyqtar jasaimyn. Endı özım de şeberlık sabaqtaryn ötkızemın, — deidı şeber.
Konserttık baǧdarlamalar men halyqtyq seruender oblystyŋ barlyq qalalary men audandarynda ūiymdastyryluda. Qaraǧandy men Temırtauda Qazaqstan halqynyŋ bırlıgı künı aiasynda būqaralyq jügıru jarystary da ötıp, tūrǧyndardyŋ ūiymşyldyǧy, tözımdılıgı jäne salauatty ömır saltyna beiıldıgı aiqyn körınıs tapty.
