Qarjy naryǧyn retteu jäne damytu agenttıgı mındettı saqtandyru syilyqaqysyn esepteu kezınde qoldanylatyn «bonus-malus» jüiesıne özgerıster engızudı ūsyndy, dep habarlaidy "Adyrna" ūlttyq portaly kolesa.kz-ke sıltep.
Vedomstvo äzırlegen jobaǧa säikes, Qazaqstandaǧy eŋ tömengı M2 jäne M1 synyptary joiylyp, eŋ tömengı deŋgei retınde M klasy engızıledı. Sonymen qatar 4-ten 13-ke deiıngı synyptar boiynşa koeffisientter mölşerın arttyru közdelıp otyr.
Ūsynylǧan özgerısterge säikes, adam ölımıne äkelgen jol-kölık oqiǧasyna kınälı dep tanylyp, saqtandyru tölemı jüzege asqan jaǧdaida jürgızuşı M deŋgeiıne tüsedı jäne oǧan 20 paiyzdyq koeffisient qoldanylady. Būl talap şeteldık uaqytşa kırgen kölık ielerıne jäne zaŋdy tūlǧalarǧa qatysty emes.
Europrotokol arqyly räsımdelgen nemese zardap şekken mülıkke tölem somasy 200 ailyq eseptık körsetkışten aspaityn jaǧdailarda, M nemese 0 klasyna tüsken jürgızuşılerdıŋ synyby avtomatty türde köterılmeidı.
Sonymen qatar, mas küiınde kölık basqarǧan jäne äkımşılık nemese qylmystyq jauapkerşılıkke tartylǧan jürgızuşıler de M klasyna auystyrylyp, olarǧa 20 paiyzdyq koeffisient qoldanylady.
Jobada saqtandyru kompaniialaryna polis qūnyn belgılı bır şekteuler aiasynda öz betınşe belgıleu qūqyǧyn beru qarastyrylǧan. Alaida qoldanystaǧy koeffisient 90 paiyzdan tömen jäne 110 paiyzdan joǧary bolmauy tiıs.
Vedomstvo ökılderınıŋ aituynşa, özgerıster saqtandyru jüiesınıŋ tiımdılıgın arttyruǧa jäne täuekel deŋgeiıne qarai ädıl tarif qalyptastyruǧa baǧyttalǧan.
