Sen de kettıŋ,
Men de kettım,
Ol da kettı auyldan.
Osynymyz ūiat boldy-au, ūiat boldy-au, qauymnan...
Baqytty ömırın Türkiiadan tapqan būrynǧy qazaqstandyq türıkterdıŋ tırşılıgın körgende, Mūqaǧalidyŋ osy öleŋı erıksız eske oraldy.
Toqsanynşy jyldary nemıster Germaniiasyna üdere köşse, soŋǧy on-on bes jylda Qazaqstandaǧy türık aǧaiyndar da Türkiiasyna topyrlap tūryp köşıp jatyr.
Bırı qonaq üiden, ekınşısı ülken sauda ortalyqtarynan, üşınşısı bazarlardan jūmys tauyp alǧan.
Men siiaqty demaluǧa kelgen qazaqstandyq jerlesterın körse boldy, arttarynan naǧaşylary ızdep kelgendei quanady şetınen. Şūrqyrap tabyspasa da, şüiırkelese söilesedı.
-Qai jerden keldıŋ? - dep sūrasaŋ:
Bıreuı:
-Almatydanmyn, -
Ekınşısı:
-Türkıstan oblysynanmyn, -
Üşınşısı:
- Jambyl oblysynanmyn, - dep qazaqşa sairap tūrǧany.
Bosaǧan köŋıl-küilerınen, qūbylǧan ünderınen kındık qany tamǧan Qazaqstanyn öte qatty saǧynyp jürgenderın baiqaisyŋ.
"Arqada kün jyly bolsa, arqar auyp nesı bar". Qazaqstanda eŋbekaqylary ışken-jegenderınen artylyp, barşylyqta beimaral ömır sürse, Türkiiaǧa kep nesı bar edı būlardyŋ" dep oiǧa şomasyŋ sol kezde. Soŋǧy alty-jetı jylda Türkiiaǧa tört ret jolym tüsıptı. Sonyŋ bärınde kuä bolatynym, ylǧi osy körınıs. Qazaqstandyq türıkterdıŋ öŋşeŋ örımdei jas qyz-jıgıtterınıŋ köbısı Antaliia, Alaniia, Kemerge kep, nan tauyp, jan baǧyp jür. Bärı de türıkşe, qazaqşa, orysşaǧa aǧyp tūr. Pysyqtyqtaryna qyzyǧa qarap tūryp, "Qazaqstan qandai jūmys küşınen qaradai aiyrylyp jatyr, ä?" dep, qatty qynjylasyŋ."Qūiysqandary köterılıp", köş qamynda otyrǧandar türıkter ǧana emes. Elden ketıp jatqan qazaqstandyq türıkterdıŋ qataryn öz qazaqtarymyz da köbeitıp jatyr. Stambul, Ankara, İzmirden üi almasa da, Aqteŋızdıŋ jaǧalauyndaǧy Antaliia, Alaniia,degen kurortty qalalardan päter satyp alyp, Türkiianyŋ tūrǧylyqty halqyna ainalyp ketken aǧaiyndarymyz öte köp. Aralarynda änşılerden bastap, käsıpkerlerge deiın bar.
Türkiiadan bölek, Amerikaǧa, Evropaǧa qonys audaryp jatqan jastarymyz qanşama! "Büite berse, Qazaqstanda kım qalady?" dep oilaudyŋ özı janyŋdy jabyrqatady. Kıleŋ kärı-qūrtaŋdar men şeneunıkter: ministrler, äkımder ǧana qala ma sonda elde? Elge ie bolatyn jastar şe?Būryn jastardy "auyldan qalaǧa kettı" dep "kınälauşı" edı. Endı qala degenıŋ şeteldıŋ qasynda oiynşyq bop qaldy. Baǧyttaryn şetelge būryp, ailyǧy mol jūmys ızdep ketken jastardyŋ qarasy köp. Jaraidy, türıkterdıŋ öz otandaryna ketkısı keletını zaŋdylyq delık. Al Atlant mūhity men Evropa, Koreia asyp jatqan qaraközderımızdıkıne ne joryq? Ükımet būl köştı toqtata alar ma eken? Toqtatam dese, mäselenı eŋ bırınşı ailyqty köbeituden bastaulary kerek-au. Äitpese, "Amerikada jäi medsestranyŋ özı ai saiynǧy eŋbekaqysyna 6 myŋ AQŞ dollaryn alady eken" degen aqparatty qazır ekınıŋ bırı bıledı. Evropa elderınde de solai. Men demalyp jatqan üide de bır türık äielı jür. -Merkıden keldım, -deidı. Keşe sauda dükenınen bır türık jıgıtın kördım. Ol: -Taraz qalasynyŋ qasyndaǧy Rovnoe auylynanmyn, - dedı. Ashanada jürgender de qazaqstandyq türıkter. Qarjynyŋ kırısı men şyǧysynda şetındeu bır jaǧdai bolsa dereu qabaq tüiıp şyǧa keletın Ükımet, elge kelgen häm ketken adamdardyŋ esebındegı osyndai köŋıl alaŋdatarlyq sifrlarǧa da ışterı aşu kerek qoi. Al bızdıkılerge "Baǧdatta bärı tynyş" degendei, bärı baiaǧydai, bai-myrzanyŋ taiaǧyndai körınetın siiaqty...
Kösemälı SÄTTIBAIŪLY
Ūqsas jaŋalyqtar
