Qyzylorda oblysynyŋ būrynǧy äkımı Nūrlybek Nälıbaev Qazaqstan premer-ministrınıŋ bırınşı orynbasary bolyp taǧaiyndaldy. Būl turaly bügın, 6 mamyrda Aqordanyŋ baspasöz qyzmetı jazdy, dep habarlaidy «Adyrna» tılşısı.
«Memleket basşysynyŋ Jarlyǧymen Nūrlybek Maşbekūly Nälıbaev Qazaqstan Respublikasy Premer-Ministrınıŋ bırınşı orynbasary bolyp taǧaiyndaldy, ol būrynǧy atqarǧan lauazymynan bosatyldy»,-delıngen habarlamada.
Nūrlybek Nälıbaev 2022 jyldyŋ säuırınen bügınge deiın Qyzylorda oblysyn basqarǧan bolatyn.
Aita keteiık, būǧan deiın premer-ministrdıŋ bırınşı orynbasary lauazymyn Roman Skliar atqarǧan edı.
Nūrlybek Nälıbaev 1976 jyly Qyzylorda oblysynda tuǧan. Qazaq memlekettık agrarlyq universitetın, Qazaq gumanitarlyq zaŋ universitetın bıtırgen. Eŋbek jolyn 1997–1998 jyldary aralyǧynda «Kazahoil-kommersiia» JŞS mūnai jäne mūnai öndırısı sarapşysy bolyp bastaǧan. 1998-2005 jyldary jeke kommersiialyq qūrylymdarda basşylyq qyzmetter atqarǧan. 2005-2007 jyldary Qyzylorda qalasy äkımınıŋ orynbasary, bırınşı orynbasary, 2007-2008 jyldary Qyzylorda oblysy äkımı apparatynyŋ basşysy, 2008-2013 jyldary Qyzylorda oblysy, Şielı audanynyŋ äkımı bolǧan. Al 2013-2021 jyldary Qyzylorda oblysy, Qyzylorda qalasynyŋ äkımı, 2021-2022 jyldary Qazaqstan Respublikasy Premer-ministrı Keŋsesınıŋ Öŋırlık damu bölımınıŋ meŋgeruşısı mındetterın atqarǧan. Codan berıde Qyzylorda oblysy äkımı bolǧan.
Köbıne aimaqta äkımdık qyzmetınde bolǧan Nūrlybek Nälıbaevtıŋ belgılı şeneunık marqūm Berdıbek Saparbaevtyŋ nemere ınısı ekenı aitylady.
