Qaraǧandy oblysynda qoǧamdyq ūiymdar, blogerler, erıktıler, sondai-aq bılım beru jäne memlekettık mekemelerdı bırıktırgen «Qūqyqtyq tärtıp özıŋnen bastalady» atty aqparattyq nauqan jalǧasyp jatyr.
Osy bastama aiasynda Qaraǧandy qalasynyŋ Qazybek bi audandyq prokuraturasy polisiia basqarmasynyŋ qoldauymen mektep oquşylaryna arnalǧan arnaiy trening ūiymdastyrdy. №19 mektep bazasynda ötken sabaq jol qozǧalysy erejelerın tüsındıruge jäne kämeletke tolmaǧandar arasyndaǧy jol-kölık oqiǧalarynyŋ aldyn aluǧa arnaldy.
Kezdesu barysynda oquşylarǧa jaiau jürgınşılerdıŋ, jolauşylar men jürgızuşılerdıŋ mındetterı jan-jaqty tüsındırılıp, balalardyŋ qatysuymen bolatyn jol apattarynyŋ eŋ jiı sebepterı talqylandy.
Äsırese praktikalyq mäselelerge erekşe nazar audaryldy. Mamandar joldy qalai dūrys kesıp ötu kerektıgın, qaraŋǧy uaqytta jaryq şaǧylystyratyn elementterdı qoldanudyŋ maŋyzyn, sondai-aq aulalar men jol jiegınde tuyndaityn qauıpterdı egjei-tegjeilı tüsındırdı.
Sabaqty oquşylarǧa barynşa tüsınıktı ärı äserlı etu üşın qūqyq qorǧau organdarynyŋ qyzmetkerlerı naqty mysaldar men beinematerialdardy paidalandy. Jasöspırımderge joldan ötu kezınde telefonǧa alaŋdaudyŋ, baǧdarşam signaldaryn elemeudıŋ nemese mūqiiat bolmaudyŋ qandai auyr saldarǧa äkeluı mümkın ekenı körnekı türde körsetıldı.
Treningtıŋ maŋyzdy bölıgı interaktivtı tapsyrmalarǧa arnaldy. Qatysuşylarǧa joldaǧy türlı jaǧdailar ūsynylyp, dūrys şeşımdı öz betınşe anyqtau tapsyryldy. Mūndai format oquşylardyŋ alǧan bılımın bekıtıp qana qoimai, öz qauıpsızdıgıne degen jeke jauapkerşılıgın arttyruǧa mümkındık berdı.
Kezdesu soŋynda mektep oquşylary mamandarǧa öz sūraqtaryn qoiyp, joldaǧy qauıpsızdık erejelerı jazylǧan arnaiy jadynamalar aldy.
Aksiia aiasynda Älihan Bökeihan audandyq prokuraturasy jasöspırımder arasyndaǧy qūqyqbūzuşylyqtyŋ aldyn aluǧa baǧyttalǧan äleumettık beinerolik te äzırledı.
