Aqtöbede synyqşy ärı emşı retınde tanymal Baǧdagül Lepesovaǧa qatysty tekseru bastaldy, dep habarlaidy "Adyrna" ūlttyq portaly Ūlysmediaǧa sıltep.
Mälımetke säikes, Aqtöbe oblysy boiynşa ekonomikalyq tergep-tekseru departamentı onyŋ qarjylyq audarymdaryna bailanysty monitoring jürgızıp jatyr.
"Qazırgı uaqytta bızde tolyq aqparat joq, tiıstı tekseru jäne monitoring jūmystary jürgızılude", – dep habarlady vedomstvonyŋ baspasöz qyzmetı.
Baǧdagül Lepesova töŋıregındegı dau onyŋ telejürgızuşı Dinara Sätjan turaly aitqan pıkırlerınen keiın örşıgen. Osydan keiın jurnalist polisiia men ekonomikalyq tergep-tekseru departamentıne jügınetının mälımdegen bolatyn. Onyŋ aituynşa, emşı özın balaǧattaǧan.
Sonymen qatar telejürgızuşı emşınıŋ aqyly qyzmet körsetuınıŋ zaŋdylyǧy, biologiialyq belsendı qospalar (BAD) satuy, «bata beru» qyzmetterı, türlı sauyqtyru täjıribelerı jäne salyq töleu mäselesın kötergen.
Öz kezegınde Baǧdagül Lepesova äleumettık jelıde mälımdeme jasap, özıne Qazaqstannan ǧana emes, körşı elderden de qoldau körsetılıp jatqanyn aitty.
"Menıŋ är sözım – halyqtyŋ janaiqaiy. Qoǧamda otbasylyq mäseleler köbeiıp barady. Adamdar qiyndyqtan keiın baqyt ızdeidı, bıraq türlı jaǧdailar otbasylardyŋ būzyluyna sebep bolyp jatyr", – dedı ol.
Qazırgı uaqytta atalǧan mäselege bailanysty resmi tekseru jalǧasyp jatyr.
Keŋsedegı zorlyq ısı. Taldyqorǧan polisiiasynyŋ eks-basşysy sot ükımıne appeliasiialyq şaǧym tüsırdı
