Munisa Şodieva älemdık qarjy elitasy men postsovettık kleptokratiia arasyndaǧy şekarany būldyratqan tūlǧalardyŋ bırı. Ol – Eurasian Resources Group kompaniiasynyŋ teŋ iesı Patoh Şodievtıŋ qyzy, ärı bırneşe memlekettıŋ azamaty.
Al Qazaqstannyŋ qoldanystaǧy zaŋnamasyna säikes, qos azamattyqqa tyiym salynǧanyn bärımız bılemız. Soǧan qaramastan, Munisa Şodieva Qazaqstannyŋ diplomatiialyq pasportyn zaŋsyz jolmen alǧany anyqtaldy dep jazady «Vhod k moria» telegram arnasy.
Bır qyzyǧy, diplomatiialyq pasport oǧan 2003 jyly berılgen, al 2013 jyly jaŋartylǧan. Sol kezde-aq onyŋ Belgiia men Resei azamattyǧy bary belgılı bolǧan.
Bıraq Qazaqstannyŋ sol kezdegı Syrtqy ıster ministrlıgı būl derekke köz jūmyp, oǧan erekşe märtebe bergen. Būl şeşımnıŋ artynda eks-prezident Nūrsūltan Nazarbaevtyŋ ainalasyna jaqyn bolǧan «evraziialyq üştıktıŋ» yqpaly jatqan boluy äbden mümkın.
Munisa Şodieva eşqaşan Qazaqstanda memlekettık qyzmet atqarmaǧan. Ol el ışınde tūraqty tūrmaǧan da. Uaqytynyŋ basym bölıgın London men Mäskeude ötkızgen.
Onyŋ diplomatiialyq pasportqa ie boluynyŋ jalǧyz sebebı äkesı Patoh Şodievke qatysty Belgiiada bastalǧan 15 jylǧa sozylǧan qylmystyq ıs boluy mümkın.
Būl ıs Tractebel kompaniiasynan Qazaqstandaǧy energetikalyq jobalarǧa qol jetkızu üşın berılgen paralar men aqşa jymqyru shemalarymen bailanysty edı.
Qylmystyq ıstı toqtatu üşın Şodievter Belgiia bilıgımen mämılege kelıp, 23 million dollar aiyppūl töledı. Eger būl kelısım jüzege aspasa, Munisa men otbasy müşelerı Belgiia azamattyǧynan aiyryluy mümkın edı. Sol üşın Qazaqstandyq diplomatiialyq pasport olarǧa qajet jaǧdaida qoldanatyn «qūtqaru biletı» bolǧany anyq.
Ūqsas shemalar Resei aumaǧynda da baiqaldy. Mäskeu tübındegı Nikolina Goradaǧy elitalyq rezidensiialarda Şodiev otbasynyŋ müşelerı 2020 jyldan berı tırkelgen.
Al Londondaǧy Panoramic keşenındegı ekı päter men tört tūraq orny olardyŋ Ūlybritaniiadaǧy ızı. Atalǧan mülık bügınde 10 million funt sterlingke baǧalanyp otyr. Būl – 7, 4 milliard teŋge. Resmi qūjattarda aktivter araldyq offşorlar arqyly tırkelgenımen, tüpkı benefisiar retınde Munisanyŋ anasy Gülnara Şodieva körsetılgen.
Bügınde Şodievter Qazaqstanda da sottasyp jatyr. Patoh Şodiev pen qyzy būrynǧy serıktesı Adiljan İbragimovtyŋ ūly Şuhrat İbragimovpen «Evraziialyq qarjy kompaniiasy» üşın sottasuda. Qyzyǧy, būl ıste İbragimov – jalǧyz naǧyz qazaqstandyq azamat. Bıraq derekter körsetkendei, Munisa Şodieva da qazaqstandyq qūjat iesı eken. Zaŋ boiynşa emes, yqpal men resurstyŋ küşımen alǧan azamattyq.
Būl jaǧdai Qazaqstandaǧy ädılet jüiesınıŋ keibır tūstarda qalai manipuliasiiaǧa ūşyraitynyn, ärı diplomatiialyq instituttardyŋ kımnıŋ qolynda ekenın aşyp körsetedı.
Halyqqa zaŋ ortaq boluy kerek. Bıraq keibıreulerge ol zaŋ tek qaǧaz jüzınde ǧana äser etetının körıp otyrmyz. Būl oqiǧa elımızdegı memlekettık märtebenıŋ qūnyn tömendetetın, senımdı älsıretetın mysaldardyŋ bırı.
