Memleket basşysy öŋırdıŋ äleumettık-ekonomikalyq damu mäselelerı jönınde keŋes ötkızıp, Qonaev qalasyndaǧy infraqūrylymnyŋ damu qarqynyn synǧa aldy, dep habarlaidy "Adyrna" ūlttyq portaly.
Prezidenttıŋ aituynşa, jalpy Almaty oblysynda oŋ ekonomikalyq ösım baiqalady. 2025 jyldyŋ qorytyndysy boiynşa öŋırlık jalpy önım kölemı 6,7 trln teŋgege jetıp, 5,4 paiyzǧa artqan. Al biylǧy qaŋtar-säuır ailaryndaǧy qysqa merzımdı ekonomikalyq körsetkışter boiynşa oblys respublikada besınşı orynda tūr. Memleket basşysy öŋırde investisiia tartu jūmystary jalǧasyp jatqanyn atap öttı. Jyl basynan berı oblys ekonomikasyna 266,2 mlrd teŋge investisiia qūiylyp, önerkäsıp öndırısınıŋ kölemı 900 mlrd teŋgege juyqtaǧan.
Sonymen qatar Prezident auyl şaruaşylyǧy salasyndaǧy körsetkışterdıŋ tömen ekenıne nazar audardy.
«Biylǧy tört aidyŋ qorytyndysy boiynşa auyl, orman jäne balyq şaruaşylyǧynyŋ naqty kölem indeksı 101,2 paiyzdy qūrady», – dedı Qasym-Jomart Toqaev.
Keŋes barysynda Memleket basşysy oblys ortalyǧy Qonaev qalasynyŋ damu mäselesıne de arnaiy toqtaldy. Prezident pıkırınşe, qaladaǧy infraqūrylymnyŋ damuy jetkılıksız deŋgeide jürgızılıp jatyr.
«Qala kelbetı özgermegen, bärı būrynǧy küiınde qalyp otyr. Almaty oblysynyŋ tolyqqandy damuy üşın Qonaev qalasyna bılım beru, äkımşılık, mädeniet jäne sport nysandary siiaqty bazalyq infraqūrylym şūǧyl qajet. Oblys basşylyǧy būl özektı mäselege erekşe nazar audaruy tiıs», – dedı Prezident.
Memleket basşysy öŋır basşylyǧyna oblys ortalyǧyn damytu jūmystaryn jandandyryp, qajettı äleumettık jäne injenerlık infraqūrylym nysandaryn saludy jedeldetudı tapsyrdy.
