Kievte Qazaqstannan esırtkı jasyruşylardy tartumen ainalysqan call-ortalyqtardyŋ jelısı joiyldy. Būl turaly Işkı ıster ministrlıgı aitty, dep habarlaidy «Adyrna» tılşısı.
«28 mamyrda Kiev qalasynda Europa men TMD elderınde sintetikalyq esırtkı öndıru jäne taratumen ainalysqan qylmystyq ūiymǧa tiesılı call-ortalyqtardyŋ qyzmetı toqtatyldy. Tergeu barysynda būl ortalyqtardyŋ adamdardy esırtkı biznesıne tartu üşın paidalanylǧany anyqtaldy. Operatorlar men menedjerler Qazaqstan aumaǧynda esırtkı jasyruşy jäne esırtkı orauşy rölıne adamdardy ızdep, olardy zaŋsyz jūmysqa qabyldaǧan»,– dedı QR IIM esırtkı qylmysyna qarsy ıs-qimyl komitetı töraǧasynyŋ orynbasary Eldar Äbdıkenov.
Arnaiy operasiia nätijesınde 11 adam ūstalǧan. Olardyŋ arasynda ūiymdastyruşylar, operatorlar jäne adamdardy zaŋsyz jūmysqa tartumen ainalysqan qyzmetkerler bar. Toǧyz mekenjaida tıntu jürgızılıp, şamamen 40 myŋ AQŞ dollary, 10 myŋ euro, Range Rover avtokölıgı, 18 ūialy telefon, 12 noutbuk pen planşet tärkılengen.
«Qazır tärkılengen tehnikadaǧy mälımetter zerttelıp jatyr. Sonymen qatar ūiymdastyruşylardyŋ akkaunttary anyqtalyp, qarjylyq tergeu jürgızılude»,– dedı spiker.
