Qazaqstanda 16 mausymnan bastap prokatqa şyǧatyn barlyq filmder mındettı türde saraptamadan ötıp, arnaiy rūqsat qūjatyn aluy tiıs. Būl talap Mädeniet jäne aqparat ministrlıgı engızgen jaŋa erejege säikes jüzege asyrylady, dep habarlaidy "Adyrna".
Jaŋa tärtıp boiynşa är filmge prokatqa şyǧar aldynda saraptama jürgızıledı. Sarapşylar tuyndynyŋ mazmūnyn zerdelep, onda konstitusiialyq qūrylysty būzuǧa, eldıŋ tūtastyǧyna nūqsan keltıruge baǧyttalǧan ügıt-nasihattyŋ, sondai-aq äleumettık, ūlttyq nemese dıni alauyzdyqty qozdyratyn körınısterdıŋ bar-joǧyn anyqtaidy.
Būdan bölek, filmder qatygezdık pen zorlyq-zombylyqty nasihattau, pornografiia, pedofiliia jäne dästürlı emes seksualdyq qatynastardy därıpteu belgılerınıŋ boluyna da tekserıledı.
Saraptamadan ötu üşın distribiutorlar filmnıŋ kinoteatrlarda körsetıletın nūsqasyn ūsynuy qajet. Komissiia müşelerı kartinany tolyq qarap şyǧyp, mazmūnyna taldau jasaidy. Keiın mäsele komissiia otyrysynda talqylanyp, dauys beru arqyly qorytyndy şeşım qabyldanady.
Ministrlık janynan qūrylǧan komissiia qūramyna kino salasynyŋ mamandary, tarihşylar, psihologtar jäne qoǧam ökılderı engen.
Saraptamanyŋ oŋ qorytyndysyn alyp, tiıstı qūjatty räsımdegen filmder ǧana Qazaqstan aumaǧynda resmi türde körsetıle alady. Al talaptarǧa säikes kelmegen tuyndylarǧa prokatqa şyǧuǧa rūqsat berılmeidı.
