Almaty garnizonynyŋ äskeri sotynda Taldyqorǧan garnizonyndaǧy äskeri bölımderdıŋ bırınde merzımdı äskeri qyzmet ötkergen sarbazdyŋ qaza bolu faktısıne qatysty qylmystyq ıstı qarau aiaqtaldy. Būl turaly bas prokuratura mälımdedı, dep habarlaidy "Adyrna".
2025 jylǧy 23 qyrküiekte jeke qūramnyŋ qarumen jūmys ısteu barysynda pulemetten abaisyzda oq atylyp, onyŋ saldarynan oq jaraqatyn alǧan qatardaǧy jauynger Seitqali Ä. qaitys bolǧan edı.
Atalǧan s boiynşa qadaǧalaudy jürgızu barysynda äskeri prokurorlar qaiǧyly oqiǧanyŋ barlyq män-jailaryn anyqtauǧa jäne däleldemelerdı jinaqtauǧa baǧyttalǧan qajettı tergeu jäne prosestık äreketterdıŋ tolyq jürgızıluın qamtamasyz ettı.
"Tergep-tekseru barysynda batalon komandirınıŋ orynbasary qarudy paidalanu kezınde qauıpsızdık talaptarynyŋ saqtaluyn qamtamasyz etpegenı, sondai-aq aldyŋǧy ötkızılgen atystardan keiın qarudy tolyq tekserudı ūiymdastyrmaǧany anyqtaldy. Sonyŋ saldarynan ūŋǧyda qalyp qoiǧan oq äskeri qyzmetşınıŋ qaza boluyna sebep boldy.
Sot talqylauynyŋ qorytyndysy boiynşa atalǧan lauazymdy tūlǧa Qylmystyq kodekstıŋ 453-babynyŋ 2-bölıgımen (auyr zardaptarǧa äkep soqqan qyzmetke salǧyrt qarau) kınälı dep tanylyp, 4 jylǧa bas bostandyǧynan aiyru jazasyna sottaldy", delıngen habarlamada.
Ükım zaŋdy küşıne engen joq.
Äskeri bölımdegı qaiǧyly oqiǧa. Ofiser 4 jylǧa sottaldy
09.06.2026
123
Ūqsas jaŋalyqtar
Pıkırler
