Bügın, 12 mausym künı Astanada AMANAT partiiasynyŋ kezektı XXVI sezı öz jūmysyn bastady. Oǧan elımızdıŋ barlyq öŋırlerınen kelgen delegattar qatysuda, dep habarlaidy "Adyrna".
Sezd barysynda eseptı kezeŋdegı Saiasi keŋes pen Ortalyq baqylau-tekseru komissiiasynyŋ jūmysynyŋ qorytyndylary qaralyp, partiia qyzmetınıŋ aldaǧy basym baǧyttary talqylanuda.
Jiynǧa partiia müşelerı, Mäjılıs deputattary jäne öŋırlık ūiymdardyŋ ökılderı qatysyp, öz pıkırlerın bıldırdı.
Mäjılıs deputaty, partiianyŋ Äielder qanatynyŋ teŋ töraǧasy Ünzila Şapaq memleket basşysynyŋ bastamasymen jüzege asyrylǧan saiasi reformalar eldı jaŋǧyrtudyŋ negızgı tetıgıne ainalǧanyn atap öttı. Onyŋ aituynşa, būl özgerıster jaŋa Konstitusiianyŋ qabyldanuyna jol aşyp, ädılettı memleket qaǧidattaryn nyǧaitty jäne azamattardyŋ saiasi üderısterge qatysu mümkındıgın keŋeittı.
Pavlodar oblystyq mäslihatynyŋ töraǧasy İlia Terenchenko jaŋa Konstitusiia el damuy üşın berık qūqyqtyq negız qalyptastyrǧanyn aityp, reformalardyŋ tabysty jüzege asuy olardyŋ öŋırlerde tiımdı oryndaluyna tıkelei bailanysty ekenın jetkızdı. Ol memlekettık organdar, saiasi partiialar jäne azamattyq qoǧamnyŋ bırlesken jūmysynyŋ maŋyzdylyǧyn atap öttı.
Mäjılıs deputaty Nūrsūltan Baitılesov jürgızılıp jatqan reformalar jastar üşın jaŋa mümkındıkter aşqanyn aitty. Onyŋ pıkırınşe, jastar bügınde tek qoǧamdyq bastamalarǧa ǧana emes, zaŋ şyǧaru prosesıne de belsendı aralasuda.
Şyǧys Qazaqstan oblystyq köpsalaly medisinalyq ortalyǧynyŋ direktory, bastauyş partiia ūiymynyŋ töraiymy Gülmira Saǧidullina partiianyŋ äleumettık jäne qaiyrymdylyq jobalary, sondai-aq otbasylardy, jastardy, ardagerlerdı jäne erekşe qajettılıgı bar azamattardy qoldau baǧytyndaǧy jūmystaryn baiandady.
Sezd qatysuşylary eldegı reformalardy jalǧastyru, qoǧamdyq kelısımdı nyǧaitu jäne memleket pen qoǧam müddesı üşın küş bırıktırudıŋ maŋyzdylyǧyn atap öttı. Sondai-aq jiyn barysynda AMANAT partiiasy-nyŋ «Ädılet» partiiasymen bırıguı turaly mälımdeme jasaldy. Qatysuşylardyŋ pıkırınşe, būl qadam täjıribe men resurstardy bırıktırıp, el damuynyŋ strategiialyq mındetterın tiımdı jüzege asyruǧa mümkındık beredı.
Aita ketsek, 1 mausymda Qazaqstan Respublikasynyŋ zaŋnamasyna säikes Ädılet ministrlıgı «Ädılet» saiasi partiiasyn resmi türde tırkelgen bolatyn.
Partiia qūramyna türlı sala ökılderı engen. Olardyŋ qatarynda eŋbek adamdary, mūnai servistık jäne tau-ken-metallurgiia salasynyŋ qyzmetkerlerı, şahterler, sondai-aq bılım, densaulyq saqtau, ǧylym, käsıpkerlık, IT, qūqyq jäne kreativ industriiasy salalarynyŋ mamandary bar.
