Prezident Qasym-Jomart Toqaev İraklii Kobahidzemen jürgızgen kelıssözderde mūnai mäselesı talqylandy, dep habarlaidy "Adyrna" tılşısı.
Prezident Qazaqstannyŋ Baku – Tbilisi – Djeihan mūnai qūbyry arqyly mūnai tasymalynyŋ kölemın arttyruǧa niettı ekenın mälımdedı.
Kelıssözderge ekı eldıŋ resmi delegasiialary qatysyp, saiasi, sauda-ekonomikalyq jäne mädeni-gumanitarlyq yntymaqtastyqty keŋeitu mäselelerı talqylandy.
Memleket basşysy Qazaqstannyŋ Gruziiany Oŋtüstık Kavkazdaǧy uaqyt synynan ötken senımdı serıktesı retınde joǧary baǧalaitynyn atap öttı. Onyŋ aituynşa, ekı eldı tarihi tamyry, ortaq mädeni qūndylyqtary jäne halyqtar arasyndaǧy berık bailanys bırıktıredı.
Prezident qol qoiylǧan strategiialyq ärıptestık ornatu turaly bırlesken mälımdeme Qazaqstan men Gruziia arasyndaǧy qarym-qatynasty jaŋa sapaly deŋgeige köteretınıne senım bıldırdı.
Memleket basşysynyŋ aituynşa, sauda-investisiialyq yntymaqtastyq ekıjaqty qatynastardyŋ negızı bolyp qala beredı. Qazaqstan Gruziia ekonomikasyna 500 million AQŞ dollarynan astam investisiia qūiyp, eldegı ırı investorlardyŋ bırı sanalady. Sonymen qatar taraptar energetika salasyndaǧy ärıptestıktı odan ärı nyǧaituǧa uaǧdalasty.
Öz kezegınde İraklii Kobahidze Qazaqstandy Ortalyq Aziiadaǧy senımdı serıktes dep atap, Qasym-Jomart Toqaevtyŋ basşylyǧymen eldıŋ aitarlyqtai jetıstıkterge qol jetkızgenın aitty. Ol strategiialyq ärıptestık turaly bırlesken mälımdeme ekı el arasyndaǧy yntymaqtastyqqa jaŋa mümkındık aşatynyn jetkızdı.
Kezdesu barysynda Memleket basşysy strategiialyq ärıptestıktı odan ärı damytu üşın energetika, investisiia, kölık-logistika, auyl şaruaşylyǧy, sifrlandyru, turizm jäne özge de perspektivaly baǧyttardy qamtityn arnaiy «jol kartasyn» äzırleudı ūsyndy.
Taraptar Transkaspii halyqaralyq kölık baǧyty aiasyndaǧy yntymaqtastyqty jalǧastyruǧa da erekşe nazar audardy. Osyǧan bailanysty kölık-logistikalyq infraqūrylymdy damytu, konteinerlık tasymaldy keŋeitu, tariftık saiasatty üilestıru jäne sifrlandyrudy jedeldetu jönınde bırlesken jūmystar jürgızılmek.
Būdan bölek, Qazaqstan gruziialyq startaptar men tehnologiialyq kompaniialardyŋ Astana Hub baǧdarlamalaryna qatysuyn qoldaitynyn mälımdedı. Kezdesude densaulyq saqtau, bılım, mädeniet jäne turizm salalaryndaǧy ärıptestıktı damytu mäselelerı de qarastyryldy.
