Ūlybritaniia parlamentınıŋ 50-den astam deputaty eldıŋ mädeniet ministrı Liza Nandige reseilık «Maşa men Aiu» multfilmın platformalarda körsetpeu jönınde şara qabyldauǧa şaqyrdy, dep habarlaidy "Adyrna" ūlttyq portaly BBC-ge sıltep.
Deputattardyŋ ündeuıne Netflix platformasynyŋ multfilmnıŋ segızınşı jäne toǧyzynşy mausymdaryn körsetu qūqyǧyn satyp alyp, aldyŋǧy mausymdarǧa arnalǧan lisenziiany älemnıŋ 100-den astam elınde ūzartu turaly şeşımı sebep bolǧan.
Parlament müşelerınıŋ pıkırınşe, multserial Reseidıŋ «jūmsaq küş» saiasatynyŋ qūraly retınde qoldanylyp, balalar auditoriiasyna nasihattaluda.
Negızgı syn 2010 jyly jaryq körgen «Şekara küzetınde» epizodyna qatysty aitylǧan. Onda basty keiıpker Maşa keŋes qyzmetkerlerınıŋ bas kiımıne ūqsas furajkamen, keiın tankist şlemımen beinelengen.
Sondai-aq deputattar 2015 jyly Animaccord studiiasynyŋ aǧylşyn tılındegı X äleumettık jelısındegı paraqşasynda Maşanyŋ keŋestık äskeri bas kiımmen jariialanǧan suretı men «Endı men äskerdemın» degen jazbasyn mysalǧa keltırgen. Olardyŋ pıkırınşe, mūndai beineler balalar arasynda keŋestık äskeri rämızderdı qalypty qūbylys retınde qabyldauǧa yqpal etuı mümkın.
Qazır multserial Ūlybritaniiada Netflix-pen qatar ITVX platformasynda da körsetılıp keledı. Ündeu avtorlary balalarǧa arnalǧan kontenttı mūqiiat tekseru qajet ekenın atap öttı.
Al Animaccord studiiasy taǧylǧan aiyptardy joqqa şyǧardy. Kompaniia özınıŋ jekemenşık ūiym ekenın, memlekettık qarjylandyru almaitynyn jäne 2025 jyly Reseidegı qyzmetın tolyq toqtatqanyn aitqan. Studiia ökılderınıŋ sözınşe, «Maşa men Aiu» multserialy dostyq, meiırımdılık jäne özara syilastyq turaly baiandaidy jäne onda eşqandai saiasi astar joq.
Būǧan deiın Estoniia, Litva, Ukraina jäne bırqatar batystyq sarapşylar atalǧan multserialdy Reseidıŋ mädeni yqpal etu qūraly retınde bırneşe ret synǧa alǧan.
