Astanada ötıp jatqan «Auyl» halyqtyq-demokratiialyq patriottyq partiiasynyŋ kezekten tys XXVI sezınde Qazaqstan Respublikasy Qūryltaiy deputattyǧyna ūsynylatyn kandidattardyŋ partiialyq tızımı bekıtıldı.
Partiia Qūryltai deputattyǧyna barlyǧy 69 kandidatty ūsyndy. Olardyŋ 71%-y er azamattar, 29%-y äielder. Sonymen qatar tızımge mügedektıgı bar 6 azamat engızılgen. Būl jalpy kandidattar sanynyŋ 8,7%-yn qūraidy.
Jas qūramy boiynşa ümıtkerlerdıŋ basym bölıgı – 35 pen 55 jas aralyǧyndaǧy azamattar. Olardyŋ ülesı 56,5% bolsa, 25-35 jas aralyǧyndaǧy jastardyŋ ülesı 14,5% boldy. Partiia mälımetınşe, kandidattar elımızdıŋ är öŋırı men türlı sala ökılderınen jasaqtalǧan.
Sezde partiia töraǧasy Qairat Aituǧanov forumǧa qatysu üşın barlyq öŋırde ötken partiialyq konferensiialarda 150 delegat sailanǧanyn aitty.
Partiia töraǧasynyŋ aituynşa, sezde partiianyŋ aldaǧy baǧytyn aiqyndaityn maŋyzdy şeşımder qabyldanady. Onyŋ sözınşe, alda eldıŋ qoǧamdyq-saiasi ömırındegı maŋyzdy kezeŋ – kezektı elektoraldyq nauqan tūr.
Kezekten tys XXVI sezde partiianyŋ sailaualdy baǧdarlamasy, Qazaqstan Respublikasy Qūryltaiy deputattyǧyna ūsynylatyn kandidattardyŋ partiialyq tızımı jäne Saiasi keŋestıŋ jaŋa qūramy bekıtıldı.
