Qūryltai ǧimarattarynda būqaralyq aqparat qūraldary ökılderınıŋ jūmys ısteu tärtıbı belgılendı, dep habarlaidy "Adyrna" tılşısı.
Jurnalisterge Qūryltai ıs-şaralaryn aqparattyq süiemeldeuge jäne deputattarmen kezdesuge qandai qūqyq berılgenı turaly aqparat tarady.
Belgılengen tärtıpke säikes, jurnalister Qūryltaidyŋ baspasöz qyzmetınıŋ şaqyruymen ıs-şaralar kezınde arnaiy belgılengen oryndarda jūmys ıstei alady. Sondai-aq ıs-şaralar ötetın jäne baspasöz qyzmetı aiqyndaǧan özge de oryndarǧa kıruge mümkındık berıledı.
BAQ ökılderıne redaksiiamen bailanysu jäne jedel aqparat jıberu üşın ūialy bailanys qūraldaryn, aqparattyq-telekommunikasiialyq tehnologiialardy, diktofon, foto jäne beineapparaturany, sondai-aq derbes portativtı kompiuterlerdı belgılengen tärtıppen paidalanuǧa rūqsat etıledı.
Jurnalister Qūryltaidyŋ baspasöz qyzmetımen kelısu arqyly tūraqty komitetterdıŋ, saiasi partiialar fraksiialarynyŋ jäne deputattyq toptardyŋ şaqyruymen ötetın ıs-şaralarǧa qatysa alady. Sonymen qatar Qūryltai ǧimarattarynda deputattarmen, memlekettık organdar, qoǧamdyq bırlestıkter jäne ükımettık emes ūiymdar ökılderımen kezdesuge qūqyly.
Būdan bölek, jurnalister Qūryltaidyŋ jekelegen ıs-şaralary turaly aqparat alu üşın baspasöz qyzmetı ūiymdastyratyn sūhbattarǧa, brifingterge, baspasöz konferensiialaryna jäne kezdesulerge qatysa alady.
BAQ ökılderıne baspasöz qyzmetınıŋ kömegımen redaksiia basşysynyŋ jazbaşa, al şūǧyl jaǧdaida auyzşa ötınışı boiynşa foto jäne beinematerialdardy paidalanuǧa mümkındık berıledı.
Qūryltai ǧimarattaryna barǧan kezde jurnalister ıskerlık stildegı kiım ülgısın saqtauy tiıs.
Sondai-aq brifingter barysynda barlyq jurnalisterge sūraq qoiuǧa teŋ mümkındık beru maqsatynda moderator bır BAQ ökılı qoiatyn sūraqtardyŋ sanyn şektei alady. Būl rette qatysatyn būqaralyq aqparat qūraldarynyŋ sany da eskerıledı.
Aita keteiık, būǧan deiın jurnalister deputattarǧa ǧimarat dälızınde sūraq qoiyp, jauap aluǧa mümkındıgı bolǧan.
