Qyrǧyzstannyŋ Batken oblysyndaǧy ekı baqylau-ötkızu beketınde sybailas jemqorlyqqa qarsy arnaiy operasiia jürgızıldı, dep habarlaidy “Adyrna” tılşısı.
24.kg deregınşe, 27 äskeri qyzmetker ūstaldy. Operasiia 5 şılde künı keşke Özbekstanmen şekaradaǧy «Qadamjai-avtojol» jäne «Chechme-avtojol» baqylau-ötkızu beketterınde bır mezgılde ötken. Oǧan Qyrǧyzstannyŋ ūlttyq qauıpsızdık memlekettık komitetınıŋ qyzmetkerlerı men «Alfa» arnaiy jasaǧy qatysqan.
Aldyn ala aqparat boiynşa, arnaiy jasaq şekara qyzmetı, keden jäne veterinarlyq baqylau qyzmetınıŋ qyzmetkerlerın ūstaǧan. Operasiia barysynda atys ta bolǧan. Mälımetke säikes, «Qadamjai» beketınde kezekşılık atqarǧan praporşik arnaiy jasaq aumaqqa kırgen kezde tört ret oq atqan, al taǧy bır äskeri qyzmetker eskertu retınde auaǧa oq şyǧarǧan. Qaru qoldanu zaŋdylyǧy tekserılıp jatyr.
Tıntu barysynda şekaraşylardan 38,5 myŋ qyrǧyz somy men 5,6 millionnan astam özbek somy tärkılengen. Sondai-aq keden qyzmetkerlerınen 100 myŋ qyrǧyz somy jäne AQŞ dollary alynǧan. Tergeu olardyŋ naqty kölemın anyqtap jatyr.
Būdan bölek, «Chechme» baqylau-ötkızu beketınıŋ ekı qyzmetkerı aqşa alu sätınde beinebaqylau kameralaryna tüsıp qalǧany habarlandy.
Resmi mälımet boiynşa, ŪQK basqarmasyna «Chechme» beketınen 11, al «Qadamjai» beketınen 16 äskeri qyzmetker jetkızılgen. Sondai-aq ekı AK-74 avtomaty, ekı oqjatar jäne 60 patron tärkılendı.
Tergeu amaldaryna bailanysty ekı baqylau-ötkızu beketınıŋ jūmysy uaqytşa toqtatyldy. Sonyŋ saldarynan şekarada şamamen 3 myŋ adam men 400 avtokölık keptelıste qalǧan. Keiın «Qadamjai» beketı arqyly qozǧalys qaita qalpyna keltırıldı.
