Qaraǧandy oblysynyŋ ışkı saiasat basqarmasy Balqaş qalasy prokuraturasynyŋ qoldauymen «BALKHASH TOUR FEST» festivalı aiasynda qūqyqtyq kvest ūiymdastyrdy. Şaranyŋ basty maqsaty – jastardyŋ qūqyqtyq sauattylyǧyn arttyru jäne «Zaŋ men tärtıp» qaǧidatyn nasihattau.
Şara qalanyŋ belsendı jastary men festival qonaqtarynyŋ basyn qosty. Qatysuşylar interaktivtı formatta zaŋnama boiynşa bılımderın synap, jaŋa daǧdylar igerdı jäne qūqyqtyq mädenietın şyŋdauǧa mümkındık aldy.
Kvest aiasynda prokuratura, polisiia jäne Tötenşe jaǧdailar basqarmasy ökılderınıŋ qatysuymen arnaiy taqyryptyq stansiialar qūryldy. Är lokasiiada qatysuşylar qūqyqtyq sauattylyq, qauıpsızdık, alaiaqtyqqa qarsy ıs-qimyl, qūqyq būzuşylyqtyŋ aldyn alu jäne tötenşe jaǧdailardaǧy ıs-äreketterge bailanysty täjıribelık tapsyrmalardy oryndap, sūraqtarǧa jauap berdı jäne türlı jaǧdaiattyq keisterdı şeştı.
Ūiymdastyruşylar mūndai interaktivtı format qūqyqtyq aǧartu prosesın jastar üşın qoljetımdı ärı qyzyqty ete tüsken, sondai-aq, azamattyq jauapkerşılık pen zaŋǧa degen qūrmet sezımın qalyptastyruǧa septıgın tigızgenın aitady.
Balqaş qalasy prokuraturasynyŋ ökılderı atap ötkendei, mūndai şaralar qūqyq būzuşylyqtyŋ aldyn aludyŋ tiımdı qūraly bolyp tabylady jäne öskeleŋ ūrpaqtyŋ boiynda ornyqty qūqyqtyq bılım men qauıpsız mınez-qūlyq daǧdylaryn qalyptastyruǧa kömektesedı.
Būdan bölek, festival qonaqtary üşın Balqaş qalasy polisiiasy men Tötenşe jaǧdailar basqarmasy qyzmetkerlerınıŋ qatysuymen körme alaŋy ūiymdastyryldy. Keluşılerdıŋ nazaryna qūqyq qorǧau organdary men qūtqaru qyzmetterınıŋ arnaiy jabdyqtary men tehnikalary, polisiia motopatrulı, arnaiy jasaq sarbazynyŋ jaraqtary, sondai-aq, zamanaui avariialyq-qūtqaru tehnikalary ūsynyldy.
Qūqyqtyq kvest qorytyndysy boiynşa qatysuşylarǧa estelık syilyqtar tabystaldy.
