Aqparat zamanynda, äsırese aqparattyq soǧys däuırınde atylǧan oqtan būryn sözdıŋ jüretını mälım. Qazırgı taŋda qoǧamnyŋ sanasyna yqpal etudıŋ eŋ tiımdı qūraly da däl osy aqparat. Sondyqtan özınıŋ syrtqy müddesıne jūmys ısteitın kez kelgen memleket eŋ aldymen jurnalister, blogerler jäne sarapşylarmen bailanys ornatuǧa tyrysady.
Qysqasy qoǧamdyq pıkır qalyptastyratyn tūlǧalarǧa aqşasyn aiamaidy. Öitkenı milliondaǧan adamnyŋ oiyn özgertu üşın keide bır ǧana tanymal spikerdıŋ sözı jetkılıktı.
Aqşaǧa, saiasi küşterge nemese belgılı bır ortalyqtardyŋ müddesıne qyzmet etetın aqparat taratuşylar kez kelgen elde kezdesedı. Özıne yŋǧaily kezınde olar memlekettıŋ saiasatyn jaqtaidy, jaǧdai özgergen şaqta eşbırqinalmastan dattauǧa köşedı, qarsy pıkır aituǧa eş qymsynbaidy. Ökınışke orai aryn satqan mūndai şūbar jylandar bızdıŋ elımızde de bar.
Äŋgıme soŋǧy uaqytta qoǧam nazarynda jürgen QazTAG bas redaktory Ämır Qasenov turaly bolyp otyr. Osy oraida tarih betın bırge aqtaruǧa şaqyramyz. Ärbır sözımızge dälel internette bar.
Keşe jäne bügın
Qazırgı aqparattyq keŋıstıktegı Ämır Qasenov özın täuelsız Qazaqstannyŋ müddesın qorǧaityn, syrtqy yqpalǧa qarsy söileitın jurnalist retınde körsetedı. Onyŋ materialdary men pıkırlerınde ūlttyq müdde, egemendık, reseilık kapitaldyŋ yqpaly siiaqty taqyryptar jiı köterıledı.
Alaida on jyl būrynǧy jariialanymdaryna köz jügırtseŋız, mülde basqa şyndyqqa tap bolasyz: 2014-2015 jyldary Yvisionplatformasynda Turbo atymen jariialaǧan maqalalarynda Ämır Qasenovtyŋ Qazaqstandaǧy ūlttyq-patriottyq ortany ötkır synap, Reseidıŋ aqparattyq kün tärtıbıne sai ritorikany qoldanǧany baiqalady.
Sol kezeŋdegı jazbalarynda qazaq patriottaryn «rusofob», «ūltşyl», «nasik» dep ataǧan materialdar köp kezdesedı. Reseidıŋ syrtqy saiasatyn qorǧap, Batysty kelemejdegen pıkırler de az emes.
Georgii lentasyn qorǧap, kögıldır ūlttyq lenta ideiasyn synaǧan jazbalary da sol kezeŋnıŋ bır körınısı boldy.
Al bügınde däl sol avtor – Ämır Qasenov sot zalynda ärıptesıne «Sen qazaqsyŋ ǧoi! Oligarhqa satylyp ketkensıŋ» dep aiyp taǧady.
Halyqty aqymaq qylǧan ügıt-nasihatşy
Kez kelgen kenet özgerıstıŋ qisyndy sebebı boluy kerek. Ämır Qasenovtyŋ jaǧdaiynda būl özgerıstıŋ sebebı qarjy. Eŋ qyzyǧy ärbır tırı jan üşın beiımdeluge az bolsa da uaqyt qajet. Bıraq aqşa kelgen jaqtyŋ ügıt-nasihatşysyna ainalyp şyǧa keludıŋ has şeberıne uaqyt ta qajet emes.
Bıraq sol qoǧamnyŋ da uaqyt öte kelemynadai zaŋdy sūraqtary tuyndaidy: «keşe ǧana ūltjandylyqty qauıptı qūbylys dep baǧalaǧan jurnalist ūlttyq taqyrypty özınıŋ basty argumentıne qalai ainaldyrady», «keşeǧana körşı eldıŋ ekonomikalyq, diplomatiialyq jäne aqparattyq ūstanymdaryn qoldap ta, qorǧap ta jürgen tılşı bügın sol eldıŋ yqpalyna qarsy küresker retınde özın qai betımenkörsetedı», «keşe ǧana Batys demokratiiasyn «türlı-tüstı revoliusiia» dep sipattaǧan mamanbügın däl sol demokratiialyq qūndylyqtardy käsıbi qyzmetınıŋ negızıne qalai ainaldyrady»... Şyny kerek, aita berseŋ, ızdei berseŋ, mūndai qarama-qaişylyqtar köp.
Arzandap ketken senımnıŋ baǧasy
Būryn jurnalistıŋ eŋ basty kapitaly abyroiy men bedelı bolsa, qazır aldyŋǧy şepke senım şyǧyp otyr.
Közqaraqty oqyrman tılşınıŋ aǧat ketuı men qatelıgıne keşırımmen qarauy mümkın. Bıraq keşe aitqanyn bügın joqqa şyǧarsa, senımnıŋjoǧalatyny aidan anyq. Sala mamany retınde būrynǧylar qasyqtap jinaǧan abyroidy, qazırgıler şelektep tögıp jatqany tek ökınıştı emes jäne asa qauıptı.
Şyntuaitynda būl qoǧam dertıne ainalyp bara jatqan ülken mäsele. Būl – aramyzda ūlt müddesı saudaǧa tüsken kezde qarsy betke eş kıdırmesten ötıp ketetın azamattardyŋ baryn körsetetın dünie.
Būl – köpşılık baiqasa da aitqysy kelmeitın aqparattyq keŋıstıktegı ülken terıs qūbylys turaly äŋgımege äkelıp soǧady.
Ūlttyq müdde turaly kımnıŋ şynaiy söilep otyrǧanyn, al kımnıŋ sol ūrandy kezektı saiasi mausymnyŋ qūralyna ainaldyrǧanyn ajyrata bılu – bügıngı qoǧamnyŋ aldynda tūrǧan maŋyzdy mındetterdıŋ bırı. Sondyqtan özıŋ adaspas üşın jäne bıreudı adastyrmas üşın öte qyraǧy jäneasa saq bolǧan abzal. Al Ämır Qasenov būl qarapaiym jäne aiqyn mysaldardyŋ bırı ǧana. Tızım būdan da ūzyn boluy bek mümkın...
Söz soŋynda, Ämır Qasenovqa qatysty mynadai bır qysqa ǧana oidy ortaǧa saludy jön körıp otyrmyz: QazTAG bas redaktorynyŋ älı künge deiın körşı eldıŋ müddesı üşın jūmys ıstep jürmegenıne kım kepıl?! Onyŋ myŋ qūbyluy būl jai ǧana oiyn boluy äbden mümkın. Äiteuır, sol oiynnyŋ arty örtke ainalmasa bolǧany. Opyq jep qalmaiyq.
Aşyq derekterden sözımızge dälel:
3. https://yvision.kz/post/ssha-protiv-rossii-voyny-ne-budet-486989
