Işkı ıster ministrlıgı ata-analardy su aidyndarynda demalu kezınde balalardy qataŋ baqylauda ūstauǧa şaqyrdy, dep habarlaidy «Adyrna» tılşısı.
IIM mälımetınşe, şomylu mausymy bastalǧaly berı elımızdıŋ su aidyndarynda 69 bala qaza tapqan.
«Qūrmettı ata-analar! Işkı ıster ministrlıgı balalardyŋ sudaǧy qauıpsızdıgıne erekşe nazar audarady. Şomylu mausymy bastalǧaly berı elımızde 69 bala suǧa batyp, köz jūmdy. Qaiǧyly oqiǧalardyŋ basym bölıgı şomyluǧa rūqsat etılmegen jäne arnaiy jabdyqtalmaǧan jerlerde tırkeldı. Qauıpsızdık maqsatynda tek arnaiy jabdyqtalǧan jaǧajaida şomylyŋyzdar, balalardy su aidyndarynyŋ maŋynda qarausyz qaldyrmaŋyzdar, olarǧa beitanys jerlerde şomyludyŋ qauıptı ekenın tüsındırıŋızder, aptap ystyqtan keiın, bırden suyq suǧa tüspeŋızder. Tyiym salynǧan oryndarda şomylǧany üşın äkımşılık jauapkerşılık qarastyrylǧanyn eskertemız»,- dedı IIM profilaktikalyq jūmysty üilestıru komitetınıŋ töraǧasy Arman Sadanov.
Ol jyl basynan berı osy qūqyq būzuşylyq üşın 2700-den astam azamat jauapkerşılıkke tartylǧanyn da atap öttı.
«Qūrmettı ata-analar, balalardyŋ qauıpsızdıgı eŋ aldymen öz jauapkerşılıkterıŋızde ekenın ūmytpaŋyzdar!»– dedı töraǧa.
