Kez kelgen eldıŋ örkenietı onyŋ biık ǧimarattarymen emes, qoǧamdaǧy eŋ älsız azamattaryna qandai mümkındık bergenımen ölşenedı.
Ökınışke qarai, Qazaqstanda mümkındıgı şekteulı adamnyŋ tabiǧatqa şyǧuy, tauǧa köterıluı nemese otbasymen bırge demaluy älı künge deiın qalypty qūbylys emes. Būl – adamnyŋ emes, qoǧamnyŋ mümkındıgınıŋ şekteulı ekenın körsetetın şyndyq.
Osy mäselenı Qazaqstan mügedekter ūiymdary odaǧynyŋ jetekşısı, Almaty qalalyq mügedekter qoǧamynyŋ töraǧasy Ūlan Inkärbekov köterdı. Ol Kökjailau üstırtınde jüzege asyrylatyn Almaty Superski jobasyn qoldaitynyn aityp, onyŋ eŋ maŋyzdy tūsy – inkliuzivtı orta qalyptastyru ekenın jetkızdı.
«Nelıkten mümkındıgı şekteulı adam demalys künı otbasymen bırge tabiǧatqa baryp, özgeler siiaqty demala almaidy? Sebebı qoljetımdılık jetkılıksız ärı baǧasy qymbat», – deidı ol.
Būl – myŋdaǧan qazaqstandyqtyŋ janaiqaiy.
Bız köbıne inkliuzivtılıktı mekteptegı panduspen nemese memlekettık mekemedegı arnaiy esıkpen ǧana ölşeimız. Bıraq adam ömırı memlekettık mekememen şektelmeidı. Onyŋ da saiahattaǧysy keledı, taudyŋ samalyn jūtqysy keledı, balalarymen bırge qar oinaǧysy nemese jai ǧana künnıŋ batuyn biıkten tamaşalaǧysy keledı.
Tabiǧat – eşkımnıŋ jekemenşıgı emes. Ol – bärıne ortaq. Alaida sol ortaq düniege jetu mümkındıgı bärıne bırdei bolmai tūr.
Kökjailau jobasy töŋıregınde qoǧamda türlı pıkır aitylyp keledı. Bırı ekologiia mäselesın köterse, endı bırı turizmnıŋ damuyna basymdyq beredı. Bıraq osy pıkırtalasta jiı ūmyt qalatyn bır mäsele bar. Ol – mümkındıgı şekteulı azamattardyŋ qūqyǧy.
Eger jaŋa turistık nysan halyqaralyq talaptarǧa sai salynyp, qolarbamen jüretın azamatqa da, qart adamǧa da, erekşe qajettılıgı bar balaǧa da qoljetımdı bolsa, onda būl qoǧamnyŋ jaŋa mädenietınıŋ körınısı bolmaq.
Ūlan Inkärbekov te osyny meŋzeidı.
«Eŋ bastysy – mümkındıgı şekteulı adamdar üşın qoljetımdı orta qalyptastyru. Barlyǧy şyn nietpen jasaluy kerek. Jyldam salyp, paida tauyp ketu maqsatynda emes», – deidı ol.
Joba aiasynda Kazakh Tourism Development Ltd. kompaniiasy men Almaty qalalyq mügedekter qoǧamy bes jyldyq memorandumǧa qol qoidy. Qūjat aiasynda kurorttaǧy qonaqüiler, jaiau jürgınşı joldary, qoǧamdyq tamaqtanu oryndary men servistık aimaqtar halyqaralyq inkliuzivtılık standarttaryna sai josparlanbaq. Sonymen qatar erekşe qajettılıgı bar azamattar jobany talqylauǧa jäne onyŋ qūjattarymen tanysuǧa qatysa alady.
Būl – maŋyzdy qadam. Öitkenı inkliuzivtı orta kabinette emes, sol ortany paidalanatyn adamdardyŋ pıkırın eskeru arqyly qalyptasady.
Bügınde älemnıŋ damyǧan elderınde inkliuzivtı turizm – äleumettık jauapkerşılıktıŋ ajyramas bölıgı. Sebebı demalu, saiahattau nemese tabiǧat aiasynda seruendeu – adamnyŋ ömır sapasyn aiqyndaityn negızgı qūqyqtardyŋ bırı.
Sondyqtan Kökjailau turaly äŋgıme tek jaŋa kurort jönınde emes. Būl – bız qandai qoǧam qūrǧymyz keletını turaly äŋgıme.
Bız tek denı sau adamdarǧa ǧana qolaily memleket qalyptastyramyz ba, älde ärbır azamat özın qoǧamnyŋ tolyqqandy müşesı retınde sezınetın Qazaqstandy qūramyz ba?
Öitkenı tau eşkımdı bölmeidı. Adamdardy bölıp tūrǧan – bızdıŋ salǧan kedergılerımız ǧana.
