Qazaqstanda 2026 jylǧy 25 tamyzdan bastap "Jol jürısı turaly" zaŋǧa engızılgen özgerıster küşıne enedı, dep habarlaidy "Adyrna".
Osyǧan bailanysty bügın, 22 şıldede, Qazaqstan Respublikasy Işkı ıster ministrlıgı zaŋnamadaǧy özgerısterge tüsınıkteme berıp, jürgızuşılerge maŋyzdy ündeu jasady.
Eŋ aldymen, 65 jastan asqan jürgızuşıler men mügedektıgı bar jürgızuşıler ekı jylda bır ret mındettı medisinalyq tekseruden ötu qajettıgın ekenın eske salamyz. Mındettı medisinalyq tekseruden ötkenı turaly mälımetter Densaulyq saqtau ministrlıgı men Işkı ıster ministrlıgı arasynda avtomatty türde almasady.
Qazaqstan Respublikasy IIM Äkımşılık polisiia komitetınıŋ erekşe tapsyrmalar jönındegı aǧa inspektory Aqtoty Boranova
Eger memlekettık aqparattyq jüiede jürgızuşınıŋ medisinalyq tekseruden ötkenı jäne kölık qūralyn basqaruǧa qarsy körsetılımderınıŋ joqtyǧy rastalmasa, kölık qūralyn basqaru qūqyǧy toqtatylady. Būl talap tek 65 jastan asqan jürgızuşıler men mügedektıgı bar jürgızuşılerge ǧana qatysty ekenın erekşe atap ötemız. Kelesı özgerıs jol jürısı qaǧidalaryn bılu deŋgeiın qaita tekseruge qatysty.
Zaŋda közdelgen jaǧdailarda jolda jüru qaǧidalaryn öreskel būzǧan jürgızuşıler qaitadan teoriialyq emtihan tapsyruǧa jıberıluı mümkın. Mysaly, jol qiylysynan ötukezınde apattyq jaǧdai tuǧyzu, belgılengen jyldamdyqty bırneşe ret asyru, manevr jasau, jolaq auystyru nemese basyp ozu qaǧidalaryn qauıptı türde būzu siiaqty öreskel qūqyq būzuşylyqtar.
Qazaqstan Respublikasy IIM Äkımşılık polisiia komitetınıŋ erekşe tapsyrmalar jönındegı aǧa inspektory Aqtoty Boranova
Būl talap barlyq jürgızuşıge emes, tek zaŋda naqty közdelgen jaǧdailarda ǧana qoldanylady. Eger jürgızuşı däleldı sebepsız tiıstı qaulyny alǧan künnen bastap ekı ai ışınde teoriialyq emtihanǧa kelmese, būl da kölık qūralyn basqaru qūqyǧyn toqtatuǧa negızbolady.
Sonymen qatar alkogoldık, esırtkılık nemese uytqūmarlyq masaŋ küide kölık basqarǧany üşın jauapkerşılık küşeitıldı. Endı qylmystyq ıs jäbırlenuşımen tatulasuyna bailanysty toqtatylǧannyŋ özınde, qūqyq būzuşy segız jylǧa kölık qūralyn basqaru qūqyǧynan aiyrylady. Al eger jürgızuşı kuälıgı bomasa, ony segız jyl boiy alu mümkın bolmaidy.
Qazaqstan Respublikasy IIM Äkımşılık polisiia komitetınıŋ erekşe tapsyrmalar jönındegı aǧa inspektory Aqtoty Boranova
Būl özgerısterdıŋ barlyǧy jol jürısı qauıpsızdıgın arttyruǧa, azamattardyŋ ömırı men densaulyǧyn qorǧauǧa baǧyttalǧan. Barşa jol jürısıne qatysuşylardy jolda jüru qaǧidalaryn qataŋ saqtauǧa şaqyramyz. Al būl talapqa jatatyn jürgızuşıler mındettı medisinalyq tekseruden uaqytyly ötuı qajet.
