Bügın, 22 şıldede QR Ǧylym jäne joǧary bılım ministrlıgınde (ǦJBM) negızgı ūlttyq bıryŋǧai testıleu (ŪBT) kezınde şektı ball jinai almai qalǧan talapkerler üşın jaǧymdy jaŋalyqpen bölıstı, dep habarlaidy "Adyrna".
Elımızde joǧary oqu ornyna tüskısı keletınderge taǧy bır mümkındık berıldı, olar tamyz ŪBT-syn tapsyra alady.
"25 şıldede tamyz aiyndaǧy Ūlttyq bıryŋǧai testıleuge (ŪBT) qatysuǧa ötınış qabyldau bastalyp, 5 tamyzǧa deiın jalǧasady. Ötınıştı Ūlttyq testıleu ortalyǧynyŋ app.testcenter.kz saity nemese UTO.kz mobildı qosymşasy arqyly beruge bolady. Testıleudıŋ özı 10-15 tamyz aralyǧynda ötedı", – delıngen Ǧylym jäne joǧary bılım ministrlıgınıŋ habarlamasynda.
Tamyz ŪBT-sy joǧary oqu ornyna aqyly negızde tüsu üşın testıleudı qaita tapsyruǧa niettı talapkerlerge arnalǧan.
"Aldyŋǧy ŪBT-larda şektı ball jinai almaǧan talapkerlerge testıleuden qaita ötu mümkındıgı berıledı. Sonymen qatar aldyŋǧy ŪBT-larǧa qatysqan talapkerler tamyz ŪBT-syna ötınış beru kezınde beiındık pänder kombinasiiasyn özgerte alady", delıngen ministr habarlamasynda.
Ötınış beru barysynda testılenuşıler ŪBT ötetın oryndy, kündı jäne uaqytty özderı taŋdaidy.
Ǧylym ministrlıgınıŋ mälımetınşe, tamyz ŪBT-syna:
- biylǧy jäne ötken jyldardaǧy mektep pen kolledj tülekterı,
- qandastar (Qazaqstan Respublikasynyŋ azamattary bolyp tabylmaityn qazaq ūltynyŋ ökılderı),
- şetelde orta bılım alǧan tülekter,
- şyǧarmaşylyq bılım beru baǧdarlamalarynan basqa daiarlau baǧyttaryna auysqysy keletın studentter,
- basqa bılım beru baǧdarlamalarynan pedagogikalyq baǧyttarǧa auysqysy keletın studentter,
- sondai-aq aldyŋǧy oqu jylynda şektı ball jinamaǧan jäne aqyly negızde joǧary oqu oryndaryna qabyldanǧan tūlǧalar qatysa alady.
Sonymen qatar öz mamandyǧy boiynşa joǧary oqu ornynda aqyly negızde bılımın jalǧastyrudy josparlaǧan kolledj tülekterı äŋgımelesu nätijelerı boiynşa oquǧa tüse alady. Būl jaǧdaida qabyldaudy joǧary oqu oryndarynyŋ qabyldau komissiialary jüzege asyrady.
