Foto: 24kz
Tarazdyq dästürlı änşı, Qazaqstannyŋ eŋbek sıŋırgen qairatkerı Baqyt Şaǧyrbaev düniejüzılık rekordtar kıtabyna endı. Öner iesı alty saǧat boiy bır sätke de toqtamai 114 än oryndap, osy sanattaǧy jaŋa älemdık rekordty tırkedı, dep habarlaidy "Adyrna".
Rekord ornatu räsımı Taraz qalasynda öttı. Änşını qoldauǧa tyŋdarmandary, ärıptesterı men jaqyndary jinaldy. Baqyt Şaǧyrbaevtyŋ aituynşa, älemdık rekord ornatu ideiasy osydan bır jyl būryn tuǧan.
Önerpaz būl bastamanyŋ basty maqsaty qazaqtyŋ dästürlı än önerın älemge tanytu ekenın aitty.
"Būl jai ǧana öner de, jai ǧana baiqau da emes. Būl – qazaq halqynyŋ önerın älemnıŋ 200-ge juyq elıne tanytatyn ülken mümkındık. Repertuarymda halyq termelerı, halyq kompozitorlarynyŋ änderı, halyq änderı bar. Sonymen qatar Şämşı Qaldaiaqovtyŋ, Äset Beiseuovtıŋ, Iliia Jaqanovtyŋ şyǧarmalaryn jäne qyrǧyz änderın oryndaimyn. Sonyŋ barlyǧy maǧan jıger beredı", – dedı änşı.
Rekordtyq baǧdarlama aiasynda Baqyt Şaǧyrbaev halyq änderı men halyq kompozitorlarynyŋ şyǧarmalarynan bölek, qazaqstandyq avtorlardyŋ tuyndylaryn jäne onǧa juyq qyrǧyz änın oryndady. Osyǧan deiın būl sanattaǧy älemdık rekord 101 änmen tırkelgen bolatyn.
Global Best of Records ūiymynyŋ Aziia jäne Afrika diviziony boiynşa rekordtardy tırkeu jönındegı bas ofiserı Quandyq Qūdaibergenovtıŋ aituynşa, Baqyt Şaǧyrbaevtyŋ nätijesı resmi türde älemdık rekord retınde tırkeldı.
Baqyt Şaǧyrbaev 35 jyldan berı qazaqtyŋ dästürlı än önerın nasihattap keledı. Onyŋ repertuarynda 400-ge juyq än bar. Sonymen qatar önerpaz Qazaqstannyŋ 245 auylynda tegın konsert ötkızıp, ūlttyq önerdı därıptep jür.
"Eldı mekenderdı, auyl-auyldy tegın aralap, konsert berıp jürmın. Bügıngı künge deiın 245 auyldy araladym. Sahnada halyqtyŋ ystyq yqylasy men qoşemetıne bölengende uaqyttyŋ qalai ötkenın baiqamai qalamyn. Bır auyldan keiın ekınşısıne, odan keiın üşınşısıne baryp, künıne üş auylǧa deiın konsert qoiamyn. Būl jūmysym aldaǧy uaqytta da jalǧasady", – dedı änşı.
Rekordtardy tırkeumen ainalysatyn ūiym ökılderınıŋ mälımetınşe, biyl älem boiynşa tırkelgen barlyq rekord arnaiy jinaq bolyp jaryq köredı. Basylym jetı tılge audarylyp, älemnıŋ 200 elıne taratylady. Sondai-aq ūlttyq kıtaphanalar qoryna tegın joldanady.
