Ūlttyq banktıŋ Aqşa-nesie saiasaty komitetı kezektı şeşımın şyǧaryp, bazalyq mölşerlemenı 0,25 paiyzdyq tarmaqqa, 16,75%-ǧa deiın tömendettı, dep habarlaidy "Adyrna".
Ūlttyq bank mälımetınşe, oǧan jyldyq infliasiianyŋ toǧyz ai boiy tömendeuı sebep bolǧan. Mausym aiynda jyldyq infliasiia 10,3% deŋgeiınde tūraqtaǧan. Al azyq-tülık infliasiiasy 10,7%-dan 10,4%-ǧa deiın tömendedı.
Azyq-tülıkke jatpaityn infliasiia 11,7% deŋgeiınde saqtaldy. Retteletın kommunaldyq qyzmetter baǧasynyŋ jyldyq tömendeuı kezınde rettelmeitın qyzmetterdıŋ qymbattauy aiasynda qyzmetter infliasiiasy 9,0% (mamyrda – 8,7%) körsettı.
Bas bank qabyldanǧan şeşım jyldyq infliasiianyŋ tömendeu ürdısın eskerıp, aqşa-kredit şarttaryn soǧan sai tüzetuge mümkındık beretının atap ötedı.
«Kelesı şeşımderdı qabyldau üşın aǧymdaǧy infliasiia dinamikasynyŋ ornyqtylyǧy, retteletın tarifterdı indeksteu parametrlerı, syrtqy otyn jäne tauarlar naryǧyndaǧy ahualdyŋ damuy turaly derekterdı jinaqtau qajet. Ūstamdy qataŋ aqşa kredit şarttaryn däiektı türde saqtau infliasiianyŋ odan ärı tömendeuıne jäne ortamerzımdı perspektivada maqsatty 5%-ǧa oraluyna yqpal etedı», – delıngen bas bank habarlamasynda.
Būl rette bas bank infliasiiaǧa äser etetın faktorlardy qysym älı de joǧary ekenın atap ötedı. Olardyŋ qatarynda qūbylmaly infliasiialyq boljamdar, janar-jaǧarmai baǧasy men tūrǧyn üi-kommunaldyq qyzmetter tarifınıŋ ösuı, tūtynuşylyq belsendılıktıŋ yqtimal küşeiuı, sondai-aq syrtqy naryqta mūnai baǧasyŋ qymbattauy, azyq-tülıktıŋ qymbattauy bar.
Bazalyq mölşerlemenı 2025 jyldyŋ qazanyna deiın 18 paiyz deŋgeiınde ūstaǧan bas bank mausym aiyndaǧy şeşımınde negızgı körsetkıştı bırden 17 paiyzǧa deiın tömendetken.
