Almatynyŋ Alatau audanynda bolǧan jol-kölık oqiǧasy saldarynan ekı adam qaza tauyp, taǧy ekı adam jaraqat aldy, dep habarlaidy «Adyrna» tılşısı.
Qalalyq polisiia departamentınıŋ mälımetınşe, jol apaty bügın, 27 şıldede tüngı saǧat 03:10 şamasynda bolǧan.
Aldyn ala mälımetter boiynşa, Rysqūlov daŋǧylymen batys baǧytta kele jatqan Suzuki kölıgınıŋ jürgızuşısı Şärıpov köşesınıŋ qiylysynda kerı būrylmaq bolǧan kezde Rysqūlov daŋǧylymen şyǧys baǧytta kele jatqan Mercedes kölıgımen soqtyǧysqan.
Soqtyǧys saldarynan Suzuki kölıgınıŋ jürgızuşısı men jolauşysy alǧan jaraqattarynan oqiǧa ornynda köz jūmdy.
«Suzuki avtokölıgındegı taǧy bır jolauşy jäne Mercedes jürgızuşısı türlı dene jaraqattarymen medisinalyq mekemege jetkızıldı», – dep tolyqtyrdy PD ökılderı.
Oqiǧa ornynan taraǧan surette Mercedes kölıgınıŋ Geländewagen nūsqasy ekenı baiqalǧan.
Ekı adamnyŋ qaza boluyna äkelgen jol-kölık oqiǧasy faktısı boiynşa qylmystyq ıs qozǧalǧan. Qazırgı uaqytta apattyŋ barlyq män-jaiy anyqtalyp jatyr.
