2026 jyldyŋ alǧaşqy jartysynda Qazaqstanda jol-kölık oqiǧalarynan qaza tapqandar sany ötken jyldyŋ säikes kezeŋımen salystyrǧanda 15,5 paiyzǧa tömendegenı turaly aqparat tarady, dep habarlaidy "Adyrna" ūlttyq portaly.
Būl turaly Bas prokuratura habarlady.
Vedomstvonyŋ mälımetınşe, alty ai ışınde jol-kölık oqiǧalarynan zardap şekkender sany 22 346-dan 21 007 adamǧa deiın azaiǧan. Al qaza bolǧandar sany 955-ten 807 adamǧa tömendegen. Bas prokuratura mūndai nätijege jol qauıpsızdıgın küşeituge baǧyttalǧan keşendı şaralardyŋ arqasynda qol jetkızılgenın atap öttı. Atap aitqanda, ortaşa jyldamdyqty baqylau jüiesı engızılıp, jürgızuşılerdı daiarlaityn oqu ūiymdaryn lisenziialau qaita jandandyryldy. Sonymen qatar mopedterdı mındettı tırkeu qolǧa alynyp, jol qozǧalysy erejelerın būzudy avtomatty türde tırkeu jüiesı keŋeitıldı.
Jyl basynan berı elımızde 15 188 jol-kölık oqiǧasy tırkelgen. Olardyŋ basym bölıgı jol qozǧalysy erejelerın qasaqana ärı jüielı türde būzatyn jürgızuşılerdıŋ qatysuymen bolǧan. Prokuraturanyŋ mälımetınşe, jaiau jürgınşıler ötkelderınde bolǧan jol apattarynan 5 971 adam jaraqat alyp, 208 adam, onyŋ ışınde 40 bala köz jūmǧan. Mas küiınde kölık basqarǧan jürgızuşılerdıŋ kınäsınen 209 adam zardap şegıp, 8 adam qaza tapqan.
Eŋ köp adam şyǧyny jyldamdyqty şamadan tys asyru men qauıptı manevr jasaudyŋ saldarynan tırkelgen. Osy ekı sebep boiynşa 8 myŋnan astam adam jaraqat alyp, 676 adam köz jūmǧan.
Vedomstvo jol būzaqylyǧyna qatysty jauapkerşılıktı küşeitu jūmystary jalǧasyp jatqanyn mälımdedı. Biyl Äkımşılık qūqyq būzuşylyq turaly kodekstıŋ 434-baby boiynşa 29 jürgızuşı äkımşılık qamauǧa alynǧan.
Sondai-aq 25 tamyzdan bastap 65 jastan asqan jäne mügedektıgı bar jürgızuşılerdıŋ medisinalyq tekseruden ötuıne baqylau küşeitıledı. Eger memlekettık jüiede jürgızuşınıŋ medisinalyq tekseruden ötkenı turaly mälımet bolmasa, onyŋ jürgızuşı kuälıgınıŋ qoldanysy uaqytşa toqtatylady.
