Soŋǧy tört jylda Qazaqstanda jolauşylar poiyzdarynyŋ parkı jaŋartylyp, 418 jaŋa vagon satyp alyndy. Jyljymaly qūramdy jaŋǧyrtu jūmystary jalǧasyp jatyr. Būl turaly «Qazaqstan temır joly» ūlttyq kompaniiasy aitty, dep habarlaidy «Adyrna» tılşısı Kazinform-ǧa sılteme jasap.
Jyljymaly qūramdy jaŋartu ışkı jäne halyqaralyq baǧyttardy da qamtyǧan.
«Qazırgı uaqytta jolauşylar vagondary parkı 2 159 bırlıktı qūraidy. 2022–2026 jyldar aralyǧynda 418 jaŋa jolauşylar vagony satyp alynyp, olar Qazaqstan ışındegı jäne halyqaralyq baǧyttardaǧy bırqatar marşruttarǧa jıberıldı», – dep mälımdedı «Qazaqstan temır joly» ŪK baspasöz qyzmetı.
Kompaniia aldaǧy uaqytta da parktı jaŋartudy josparlap otyr. Biyl taǧy 131 jolauşylar vagonyn satyp alu turaly kelısımşart jasalǧan. Olardy jetkızu kelesı jyldyŋ soŋyna deiın jüzege asyrylady. Sonymen qatar 2030 jylǧa deiın taǧy 557 joǧary tehnologiialyq vagon jetkızıledı dep kütılude.
Odan bölek, jaŋa lokomotivterdı jetkızu jönınde de kelısımder jasalǧan. Qazırgı taŋda inventarlyq parkte 1 813 lokomotiv bar, olardyŋ tozu deŋgeiı 46,2 paiyzdy qūraidy. Kompaniia aldaǧy jyldary tehnikany edäuır jaŋartudy közdep otyr.
«2026–2036 jyldar aralyǧynda 1 082 lokomotiv satyp alu josparlanǧan. Būl tozu deŋgeiın 29,8 paiyzǧa deiın tömendetuge mümkındık beredı. 2026 jyldyŋ basynan berı park 144 zamanaui tehnikamen tolyqtyryldy», – delıngen habarlamada.
Kompaniia ökılderınıŋ aituynşa, tehnika men infraqūrylymdy jaŋartu jolauşylar aǧynynyŋ artuyna bailanysty qajet bolyp otyr. 2026 jyldyŋ alǧaşqy alty aiynyŋ qorytyndysy boiynşa jolauşylar ainalymy 5 mlrd 544 mln jolauşy-şaqyrymdy qūraǧan. Būl ötken jyldyŋ säikes kezeŋımen salystyrǧanda 2,3 paiyzǧa joǧary.
Kompaniia temırjol tasymalyna sūranys aldaǧy jyldary da ösedı dep boljap otyr.
«2027–2030 jyldarǧa arnalǧan jospar boiynşa jolauşylar ainalymyn kezeŋ-kezeŋımen arttyru közdelgen. Atap aitqanda, 2027 jyly körsetkış 12 mlrd 58 mln jolauşy-şaqyrymǧa, 2028 jyly – 12 mlrd 353 millionǧa, 2029 jyly – 12 mlrd 780 millionǧa, al 2030 jyly 13 mlrd 279 mln jolauşy-şaqyrymǧa jetedı dep josparlanyp otyr», – dep habarlady kompaniianyŋ baspasöz qyzmetı.
Kompaniiada jolauşylar vagondary men lokomotivter parkın jaŋartu tasymal kölemınıŋ tūraqty ösuın qamtamasyz etıp, jolauşylarǧa körsetıletın qyzmet sapasyn arttyruǧa mümkındık beretının atap öttı.
