Päkıstan Qazaqstanmen sauda-ekonomikalyq yntymaqtastyqty keŋeitu aiasynda portty paidalanuǧa beruge daiyn, dep habarlaidy “Adyrna” ūlttyq portaly.
Jergılıktı BAQ deregınşe, mäsele Qazaqstannyŋ Päkıstandaǧy elşısı Erjan Qystafin men Päkıstannyŋ teŋız ısterı ministrı Mūhammad Chaudhridıŋ kezdesuınde talqylandy. Kelıssözder barysynda İslamabad Qazaqstanǧa Karachi, Kasim jäne Gvadar porttaryn eksporttyq jükterdı tasymaldau üşın paidalanudy ūsyndy.
Taraptar Päkıstannyŋ arnaiy ekonomikalyq aimaqtaryndaǧy bırlesken jobalardy damytu mümkındıkterın jäne kedendık räsımderdı jeŋıldetu mäselelerın qarastyrdy.
Päkıstan tarapy mūndai mümkındıktıŋ tek Qazaqstanǧa ǧana emes, Ortalyq Aziianyŋ basqa memleketterıne de qoljetımdı bolatynyn atap öttı. Būl öz kezegınde öŋır elderınıŋ Parsy şyǧanaǧy, Afrika jäne Oŋtüstık-Şyǧys Aziia naryqtaryna şyǧuyna qosymşa mümkındık beredı.
Kezdesu qorytyndysy boiynşa taraptar kölık-logistikalyq baǧyttardy damytu jäne sauda bailanystaryn nyǧaitu boiynşa yntymaqtastyqty jalǧastyruǧa uaǧdalasty.
