Fransiiada aptap ystyq pen özenderdegı su deŋgeiınıŋ tömendeuıne bailanysty üş iadrolyq reaktordyŋ jūmysy uaqytşa toqtatyldy, dep habarlaidy "Adyrna" ūlttyq portaly.
Būl turaly jergılıktı BAQ habarlady. Mälımetke säikes, Chooz atom elektr stansiiasyndaǧy ekı reaktor men Ardenn öŋırındegı taǧy bır reaktor ekologiialyq talaptarǧa bailanysty uaqytşa toqtatylǧan. Şeşım Maas jäne Mozel özenderındegı su deŋgeiınıŋ tömendeuıne bailanysty qabyldanǧan. Atalǧan özenderdıŋ suy atom elektr stansiialarynyŋ reaktorlaryn salqyndatuǧa paidalanylady.
Būǧan deiın EDF kompaniiasy aua temperaturasynyŋ joǧarylauyna bailanysty Bugey 3, Tricastin 4 jäne Saint-Alban atom elektr stansiialaryndaǧy elektr energiiasyn öndıru kölemın de qysqartqan bolatyn. Fransiiada öndırıletın elektr energiiasynyŋ şamamen 70 paiyzy atom elektr stansiialaryna tiesılı. Reaktorlardy salqyndatu üşın özender men teŋız sulary paidalanylatyndyqtan, ūzaqqa sozylǧan aptap ystyq pen qūrǧaqşylyq energetikalyq nysandardyŋ jūmysyna tıkelei äser etedı.
Fransiia mamyr aiynan berı kezektı aptap ystyq kezeŋın bastan ötkerıp jatyr. El bilıgınıŋ mälımetınşe, biylǧy mausym aiy meteobaqylau tarihyndaǧy eŋ ystyq ai retınde tırkelse, şılde aiyndaǧy ystyq tolqyny eŋ ūzaqqa sozylǧan kezeŋderdıŋ bırı boldy.
