Almaty qalasy mädeniet basqarmasy basşysynyŋ būrynǧy orynbasary Nailia Muliukovanyŋ jazasynyŋ ötelmegen bölıgı bas bostandyǧyn şekteu jazasyna auystyrylyp, merzımınen būryn bosatyldy, dep habarlaidy "Adyrna" ūlttyq portaly.
Būl aqparatty qylmystyq-atqaru jüiesı komitetı (QAJK) rastady.
QAJK mälımetınşe, sot ükımımen bas bostandyǧynan aiyru jazasyn ötep jatqan sottaluşynyŋ jazasynyŋ ötelmegen bölıgı sot şeşımı negızınde bas bostandyǧyn şekteuge auystyrylǧan.
Bostandyqqa şyqqannan keiın Nailia Muliukova probasiia qyzmetınıŋ esebıne qoiyldy. Endı ol sot belgılegen barlyq talaptardy, onyŋ ışınde Qazaqstan Respublikasynyŋ aumaǧynan şyǧuǧa qoiylǧan şekteudı saqtauǧa mındettı. Sondai-aq probasiia qyzmetı oǧan jüktelgen mındetterdıŋ oryndaluyn tūraqty baqylauda ūstaidy.
Eske salsaq, Nailia Muliukova 2017 jyly Almaty qalasy mädeniet basqarmasy basşysynyŋ orynbasary qyzmetıne taǧaiyndalǧan. 2023 jyly oǧan qatysty Sybailas jemqorlyqqa qarsy ıs-qimyl agenttıgı tergeu bastaǧan. 2025 jylǧy 5 mausymda Almaty qalasynyŋ Almaly audandyq soty eks-şeneunıktı senıp tapsyrylǧan mülıktı iemdenu nemese ysyrap etu, käsıpkerlık qyzmetke zaŋsyz qatysu jäne lauazymdyq ökılettıkterın asyra paidalanu baptary boiynşa kınälı dep tanyp, 4 jyl 6 aiǧa bas bostandyǧynan aiyrǧan.
Tergeu derekterıne säikes, ol zaŋsyz äreketterdıŋ saldarynan memleketke 12 million teŋgeden astam materialdyq şyǧyn keltırılgen.
