Foto: Maŋǧystau oblystyq ekologiia departamentı
7 tamyzda Maŋǧystau oblysyndaǧy Qūljan mūnai ken ornynda ört şyqty. Ört "Meerbusch" JŞS-nıŋ mūnai qabyldau punktınde bolǧan, dep habarlaidy "Adyrna".
Aldyn ala mälımet boiynşa, ört RVS №2 syiymdylyǧy 2000 tekşe metrlık rezervuardyŋ tübındegı şögındılerdı tazalau jūmystary kezınde SA-320 sementteu agregatynda tūtanǧan. Jūmys jürgızılgen sätte rezervuar bos bolǧan, onda mūnai bolmaǧan.
Zardap şekkender joq. Ört saǧat 19:20-da oqşaulanyp, 20:00-de tolyq söndırıldı. Qazırgı uaqytta nysan ştattyq rejimde jūmys ıstep tūr. Aldyn ala mälımet boiynşa, aitarlyqtai materialdyq şyǧyn anyqtalmaǧan, dep habarlady oblystyq Ekologiia departamentı.
Mūnaidyŋ tehnologiialyq jabdyqtar men nysan aumaǧynan tys jerge tögıluıne jol berılmedı.
Oqiǧa turaly Maŋǧystau oblysynyŋ tötenşe jaǧdailar departamentı men Memlekettık eŋbek inspeksiiasyna habarlanǧan.
Örttıŋ şyǧu sebebı, keltırılgen zalaldyŋ yqtimal kölemı jäne oqiǧaǧa qūqyqtyq baǧa nysandy tekseru men zertteu jūmystary aiaqtalǧannan keiın anyqtalady.
