Türkiia prezidentı Rejep Taiip Erdoǧan Ankara men Er-Riiad arasyndaǧy qarym-qatynastardyŋ strategiialyq sipatqa ie ekenın mälımdep, aldaǧy uaqytta olardyŋ odan ärı nyǧaia tüsetının aitty, dep habarlaidy «Adyrna» tılşısı Caliber-ge sılteme jasap.
Onyŋ sözınşe, taraptar yntymaqtastyqty «äldeqaida joǧary deŋgeige» köterudı közdep otyr.
Ormūz būǧazyndaǧy jaǧdaiǧa toqtalǧan Erdoǧan ony älemdık ekonomikanyŋ negızgı küretamyrlarynyŋ bırı dep atap, öŋırdegı şielenıstıŋ jaqyn arada bäseŋdeuıne ümıt bıldırdı. Ol būǧaz halyqaralyq keme qatynasynyŋ qauıpsız ärı üzdıksız jūmysyn qaita qamtamasyz etuı tiıs ekenın aitty.
Türkiia basşysy sondai-aq Türkiia, Saud Arabiiasy jäne Päkıstan arasyndaǧy bırlesken qorǧanys jönındegı Mekke kelısımı qandai da bır naqty memleketke qarsy baǧyttalmaǧanyn mälımdedı. Onyŋ aituynşa, qūjat ūjymdyq tejeu tetıkterın küşeitıp, öŋırlık qauıpsızdıktı nyǧaituǧa arnalǧan. Erdoǧan būl mehanizmnıŋ basqa da «bauyrlas memleketterdıŋ» qosyluyna aşyq ekenın qosty.
Sonymen qatar Türkiia prezidentı İzraildıŋ Livanǧa jasaǧan soqqylaryn dereu toqtatuǧa şaqyrdy. Ol Ankaranyŋ Siriianyŋ aumaqtyq tūtastyǧyn qoldaudy jalǧastyratynyn jäne onyŋ aumaǧynda Türkiia qauıpsızdıgıne qater töndıruı mümkın qūrylymdardyŋ qalyptasuyna jol bermeitının mälımdedı.
