Memleket basşysy Qasym-Jomart Toqaevtyŋ tapsyrmalaryn oryndau aiasynda Ükımet Qazaqstan boiynşa kölık infraqūrylymyn jaŋǧyrtu jäne temırjol vokzaldaryn jaŋartu jönındegı keşendı şaralardy jüzege asyruda. Osy jūmystar aiasynda Türkıstan oblysyndaǧy «Tülkıbas» temırjol vokzalynyŋ rekonstruksiiasy aiaqtaldy.
«Tülkıbas» stansasynyŋ tarihy 100 jyldan asady. Stansanyŋ alǧaşqy ǧimaraty 1916 jyly salynǧan. Jaŋa vokzal keşenı täulıgıne 200-ge juyq jolauşyǧa qyzmet körsetuge eseptelgen jäne azamattar üşın qolaily jaǧdailardy qamtamasyz etedı. Ǧimaratta 90 oryndyq kütu zaly bar, būl būrynǧy vokzaldan ekı ese köp. Sondai-aq temırjol kassalary, anyqtamalyq biuro, tamaqtanu punktterı, qyzmettık üi-jailar jūmys ısteidı.
Kedergısız ortany qūruǧa erekşe nazar audaryldy. Mümkındıgı şekteulı azamattar men mügedekter üşın arnaiy aimaqtar qarastyrylyp, lift ornatyldy. Sonymen qatar ana men bala bölmesı jabdyqtalǧan.
Rekonstruksiia aiasynda ūzyndyǧy 540 metr bolatyn perron platformasy jaŋartyldy. Irgeles aumaqta abattandyru jäne kögaldandyru jūmystary jürgızılıp, beinebaqylau jäne dauys zoraitqyş jüielerı ornatyldy. Sonymen qatar jaiau jürgınşıler köpırı rekonstruksiialandy.
Temırjol infraqūrylymyn jaŋǧyrtu baǧdarlamasy elımızdıŋ ärtürlı öŋırlerındegı vokzaldardy qamtitynyn jäne jolauşylar üşın zamanaui jäne qolaily jaǧdailar jasauǧa baǧyttalǧanyn atap ötu maŋyzdy. Jalpy, Memleket basşysynyŋ tapsyrmasy aiasynda elımız boiynşa 124 temırjol nysanyn jöndeu josparlanǧan. Bügıngı taŋda 72 vokzal jöndelıp, paidalanuǧa berıldı. Taǧy 49-yn rekonstruksiialau jyl soŋyna deiın aiaqtau josparlanuda.
Astana, Almaty jäne Türkıstan qalalaryndaǧy tarihi-arhitekturalyq qūndylyǧy bar üş ırı vokzal boiynşa jūmystar jeke blok retınde qarastyrylǧan. Olardy jaŋǧyrtu jūmystary tarihi kelbetın saqtau talaptaryn eskere otyryp, kelesı jyly aiaqtalady.
