Temu marketpleisı Europada satyp aluşylarynan aiyrylyp jatyr. Qytailyq sauda platformasynyŋ tanymaldyǧy tömendep bara jatqany turaly Niderland pen Polşa būqaralyq aqparat qūraldary jazuda. Sarapşylar mūnyŋ negızgı sebepterı retınde Europalyq odaq engızgen baj salyǧyna bailanysty tauarlardyŋ qymbattauyn jäne «jaŋalyq äserınıŋ» bäseŋdeuın ataidy.
2026 jylǧy 1 şıldeden bastap Europalyq odaqta şetelden qūny 150 euroǧa deiıngı sälemdemelerge 3 euro kölemınde belgılengen baj salyǧy engızıldı. Būl şara, eŋ aldymen, Temu men Shein siiaqty qytailyq marketpleisterdıŋ jergılıktı naryqtarǧa ekspansiiasyn tejeuge baǧyttalǧan.
«Europalyq odaqqa kün saiyn qūny tömen milliondaǧan sälemdeme jetkızıledı. Olardyŋ köpşılıgınde EO qauıpsızdık standarttaryna säikes kelmeitın, qūny tömendetılıp körsetılgen nemese kedendık baj salyǧyn ainalyp ötu üşın jalǧan deklarasiialanǧan tauarlar bar.
Sonymen qatar qazırgı qoldanystaǧy baj salyǧynan bosatu tärtıbı EO-ǧa kırmeitın elderdıŋ satuşylaryna Europada tauar öndıretın nemese satatyn käsıporyndarǧa qaraǧanda ädıletsız artyqşylyq beredı.
EO bıryŋǧai naryqty nyǧaitu jäne Europada tauarlar men qyzmetterdı satatyn barlyq kompaniialardyŋ qauıpsızdık pen säikestık talaptaryn saqtai otyryp, teŋ jaǧdaida bäsekelesuın qamtamasyz etu üşın kedendık räsımderdı jaŋǧyrtu jūmystaryn jürgızıp jatyr», – dep būǧan deiın europalyq BAQ jazǧan.
Engızılgen şaralar nätije bere bastaǧan. RTL Nieuws jürgızgen saualnamaǧa säikes, şıldede jaŋa baj salyǧy engızılgennen berı Niderland tūrǧyndarynyŋ 46 paiyzy Temu, Shein jäne AliExpress sekıldı qytailyq internet-dükenderden tauarǧa tapsyrys berudı siretken. Sonymen qatar saualnamaǧa qatysqandardyŋ basym bölıgı jaŋa baj salyǧyn qoldaitynyn aitqan. Mūndai pıkırdı respondentterdıŋ 67 paiyzy bıldırgen.
Saualnamaǧa qatysqandardyŋ 64 paiyzy Temu men Shein-degı tauarlardyŋ sapasy öte tömen ekenın atap ötken. Respondentterdıŋ bırı jasandy gülge tapsyrys bergenın, alaida onyŋ ornyna japsyrma kelgenın aitqan. Taǧy bırı futbolkalardyŋ sapasy sonşalyqty naşar bolǧanyn, tıptı olar «kürış qaǧazynan jasalǧandai» körıngenın eske alǧan.
Saualnamaǧa qatysqandardyŋ şamamen törtten üşı (73%) Temu men Shein-degı tauarlardyŋ baǧasy olardyŋ sapasyna säikes kelmeitının aitqan. Üşten bırı qytailyq marketpleisterdegı tauarlardyŋ qauıpsızdıgıne alaŋdaitynyn bıldırgen.
Respondentterdıŋ şamamen 10 paiyzy jyldam sän industriiasy yntalandyratyn şamadan tys tūtynudyŋ qorşaǧan ortaǧa äserıne alaŋdaidy. Al 7 paiyzy Qytaidaǧy eŋbek jaǧdailarynyŋ talapqa sai bolmauyna qatysty alaŋdauşylyq bıldırgen.
Polşada da Temu-ǧa qyzyǧuşylyq tömendedı
Polşada da jaǧdai ūqsas. Soŋǧy bır aidyŋ özınde Temu paidalanuşylarynyŋ sany 3,5 millionǧa azaiyp, soŋǧy bır jarym jyldaǧy eŋ tömengı körsetkışke jetken. Naryqty Mediapanel Gemius zerttegen.
«Būl bır rettık qūldyrau emes, alty ai boiy jalǧasyp kele jatqan jüielı tömendeu. Būl platforma damuynyŋ belgılı bır kezeŋı Polşada aiaqtalyp kele jatqanyn körsetedı. Jaŋalyq äserı älsırep barady. Onyŋ sebebı marketingke jūmsalatyn şyǧyndardyŋ qysqaruy emes siiaqty. Gemius derekterıne säikes, Temu Polşadaǧy internet-jarnamaǧa eŋ köp qarjy jūmsaityn kompaniialardyŋ qatarynda älı de bar. Paidalanuşylar sany osy şyǧyndarǧa qaramastan azaiyp jatyr», – deidı sifrlyq kommersiia salasynda jūmys ısteitın Fast White Cat kompaniiasynyŋ bas konsultanty ärı basqarma müşesı Iаkub Raiskii.
Polşanyŋ IT salasyndaǧy Univio kompaniiasynyŋ strategiialyq keŋesşısı ärı naryq sarapşysy Sebastian Blaşkevich Temu-ǧa degen qyzyǧuşylyqtyŋ aitarlyqtai tömendeuı tek Europada ǧana baiqalmaitynyn atap öttı. Onyŋ aituynşa, marketpleistıŋ agressivtı jarnamasy da būrynǧydai nätije bermei otyr.
«Temu Polşadaǧy pozisiiasyn ekı negızgı faktorǧa süienıp qalyptastyrdy: jarnamaǧa köp qarajat jūmsau jäne klientterdıŋ tartymdy ūsynystarǧa täueldılıgı. 2026 jyly osy ekı faktor da aitarlyqtai älsırei bastady. Būl platformanyŋ ösu qarqynyna äser etıp otyr. Bar bolǧany bes aidyŋ ışınde Temu Polşada 3,6 million paidalanuşysynan aiyryldy», – deidı Sebastian Blaşkevich.
Sarapşylardyŋ pıkırınşe, qazırgı körsetkışter aldaǧy uaqytta būdan da auqymdy özgerısterdıŋ bastamasy boluy mümkın.
Qazaqstanǧa da äserı bar
Qazaqstanda da, basqa da bırqatar elderdegıdei, qytailyq marketpleisterdıŋ jergılıktı naryqtarǧa jyldam enıp jatqany baiqalady. Sarapşylardyŋ pıkırınşe, būl bolaşaqta otandyq käsıpkerlerdıŋ bır bölıgınıŋ jabyluyna, sonyŋ saldarynan jūmyssyzdyqtyŋ ösuıne jäne biudjetke tüsetın salyq kölemınıŋ azaiuyna äkeluı mümkın.
Sonymen qatar qazırgı uaqytta qazaqstandyq käsıpkerler şeteldık bäsekelesterıne qaraǧanda tiımsız jaǧdaida tūr. Otandyq kompaniialar äleumettık audarymdardy qosa alǧanda, salyqtardyŋ tolyq paketın töleidı. Al şeteldık kompaniialar negızınen QQS-qa teŋ «Google salyǧyn» ǧana töleidı.
Būl mäselege deputat Azat Peruaşev bırneşe ret nazar audarǧan.
«Bız erejelerdıŋ ädıl, jaǧdaidyŋ teŋ bolǧanyn qalaimyz. Bızdıŋ käsıpkerlerge eŋ bolmaǧanda töleitın salyqtyq jükteme boiynşa şeteldık bäsekelesterımen teŋ jaǧdai jasaŋyzdar. Sodan keiın tūtynuşy üşın küressın. Al olardyŋ bäsekelesterıne bastapqydan tiımdı jaǧdai jasalyp, olar baǧany demping arqyly tömendete alatyn bolsa, ärine, bızdıŋ käsıpkerlerdıŋ jaǧdaiy äuel bastan şekteledı», – degen edı ol.
