Qazaqstannyŋ oŋtüstık öŋırlerınde 14 tamyzda bolǧan elektr quatynyŋ jappai üzıluıne Qyrǧyzstandaǧy Toqtoǧūl GES-ınde ekı gidrogeneratordyŋ ısten şyǧuy sebep bolǧan. Būl turaly KEGOC kompaniiasy mälımdedı, dep habarlaidy “Adyrna”.
Kompaniianyŋ habarlauynşa, aqau saǧat 14:37-de tırkelgen. Sonyŋ saldarynan Qazaqstannyŋ Bıryŋǧai elektr energetikalyq jüiesındegı «Soltüstık-Şyǧys-Oŋtüstık» tranzitıne şamadan tys jükteme tüsıp, Oŋtüstık aimaq eldıŋ energojüiesınen, sondai-aq Qyrǧyzstan, Özbekstan jäne Täjıkstandy bırıktıretın Ortalyq Aziianyŋ ortaq energojüiesınen ajyraǧan.
Apat saldarynan Almaty, Jambyl, Türkıstan, Qyzylorda jäne Jetısu oblystarynda elektr quaty uaqytşa toqtady. Būdan bölek, Qaraǧandy, Ūlytau jäne Abai oblystarynda da elektrmen jabdyqtauda ırkılıster tırkeldı.
KEGOC mälımetınşe, qazırgı uaqytta atalǧan öŋırlerdıŋ barlyǧynda elektrmen jabdyqtau tolyq qalpyna keltırıldı.
Aldyn ala aqparat boiynşa, elektr jüiesındegı aqau Ortalyq Aziianyŋ bırneşe memleketıne äser etken. Qazaqstannyŋ oŋtüstıgınde jaryq öşkennen keiın Qyrǧyzstan, Özbekstan jäne Täjıkstan tūrǧyndary da elektr energiiasyna qatysty problemalar turaly habarlaǧan.
Özbekstanda bolǧan auqymdy elektr üzılısın keibır jergılıktı aqparat qūraldary men äleumettık jelı qoldanuşylary Qazaqstandaǧy apatpen bailanystyrdy. Alaida Qazaqstannyŋ Energetika ministrlıgı Özbekstandaǧy jaǧdaiǧa Qazaqstan energojüiesı sebep boldy degen aqparatty joqqa şyǧardy.
Almatyda elektr quaty şamamen saǧat 15:00 kezınde qalanyŋ bırneşe audanynda öştı. Artynşa Almaty oblysynyŋ bırqatar eldı mekenderınde de jaryq söngenı turaly aqparat tarady.
Energetika ministrlıgınıŋ tüsındıruınşe, Ortalyq Aziia energojüiesı tarapynan elektr energiiasy aǧynynyŋ kürt özgeruı saldarynan jüiede quattyŋ kürt artuy baiqalǧan. Osy kezde apatqa qarsy avtomatika ıske qosylyp, qauıpsızdıktı qamtamasyz etu üşın bırneşe öŋırdegı tūtynuşylardyŋ bır bölıgı jelıden uaqytşa ajyratylǧan.
Elektr quatynyŋ üzıluı Almatydaǧy kündelıktı tırşılıkke de äser ettı. Bırqatar baǧdarşam jūmysyn toqtatyp, qalanyŋ kei köşelerınde kölık keptelısı paida boldy. Polisiia qyzmetkerlerı küşeitılgen rejimde jūmys ıstep, jol qozǧalysyn retteu üşın qiylystarǧa şyqty.
Jaryqtyŋ jappai öşuı äleumettık jelıde de qyzu talqylandy. Kei qoldanuşylar elektr üzılısın sol künı keşke Almatyda ötuı josparlanǧan amerikalyq reper Kane Uestıŋ konsertımen äzıl-qaljyŋ aralas bailanystyryp ülgerdı.
Qazırgı taŋda negızgı elektrmen jabdyqtau jüiesı qalpyna keltırılıp, mamandar apattyŋ saldaryn joiu jūmystaryn aiaqtady.
