Qazaqstan äielder qūramasynyŋ köşbasşysy Elena Rybakina mansabynda alǧaş ret Äielder tennisı qauymdastyǧynyŋ (WTA) älemdık reitingınde bırınşı orynǧa köterıldı. Būl turaly QTF jazdy, dep habarlaidy «Adyrna» tılşısı.
Būl qazaqstandyq tennisşınıŋ US Open-2026 turnirınıŋ jartylai finalyna şyǧuynyŋ arqasynda mümkın boldy. WTA-nyŋ live-reitingınde Rybakina Belarus ökılı Arina Sobolenkodan ozyp, jaŋa köşbasşy atandy. Reitingtıŋ resmi jaŋartylǧan nūsqasy düisenbı, 14 qyrküiekte jariialanady.
Memleket basşysy Qasym-Jomart Toqaev sportşyny qūttyqtap, jaŋa belesterge batyl qadam basa beruıne tılektestık bıldırdı.
«Sız airyqşa talant pen tynymsyz eŋbektıŋ jäne özıŋızge degen nyq senımnıŋ arqasynda WTA reitingınde köş bastap, biık şyŋdy baǧyndyrdyŋyz. Osynau tarihi jeŋısıŋız qazaq sportynyŋ daŋqyn asyrdy. Esımıŋız älemdık tennis jylnamasynan oiyp tūryp oryn aldy. Sızdıŋ jetıstıkke toly jolyŋyz – elımızdıŋ jas sportşylary men dünienıŋ tükpır-tükpırındegı milliondaǧan tennis janküierı üşın ülgı-önege. Sonymen qatar kortta da, qoǧamdyq oryndarda da, jūrtşylyqpen qarym-qatynas barysynda da baiqalatyn joǧary mädenietıŋızdı airyqşa atap ötkım keledı. Būl – sözsız sızdıŋ parasatyŋyz ben adami qalpyŋyzdyŋ aiqyn körınısı», – dep jazylǧan qūttyqtauda.
Aita keteiık, Elena Rybakina jekelei synda älemdık reitingtı basqarǧan Qazaqstannyŋ tūŋǧyş ökılı atandy. Būǧan deiın elımızdıŋ bırde-bır sportşysy äielder arasynda da, erler arasynda da – jekelei synda älemdık reitingtıŋ bırınşı satysyna köterılmegen.
