Foto: istockphoto
Qazaqstanda tūruǧa yqtiiarhaty joq şetel azamattaryna bank şotyn aşu jäne karta räsımdeu tärtıbı jeŋıldetıldı. Qarjy naryǧyn retteu jäne damytu agenttıgı bankterdıŋ ışkı baqylau qaǧidalaryna tiıstı özgerıster engızdı, dep habarlaidy "Adyrna".
18 qyrküiekte jariialanǧan qūjatqa säikes, Qazaqstanda tūruǧa yqtiiarhaty nemese tūraqty tūruǧa rūqsaty joq rezident emes tūlǧalar joǧary täuekeldı klientter sanatynan şyǧaryldy.
Osyǧan bailanysty şetel azamattary şot nemese karta aşqan kezde būrynǧydai qosymşa tekserulerden ötuge mındettı emes. Bankter endı olardan Qazaqstanda bolu maqsaty, şot aşu sebebı, qarajat közı, halyqaralyq audarymdar jäne basqa bankterdegı şottary turaly keŋeitılgen saualnama talap etpeidı.
Sonymen qatar telefonnyŋ IMEI nömırın mındettı türde tekseru talaby da alynyp tastaldy. Endı bank klienttıŋ jeke basyn kuälandyratyn qūjatyn tekserıp, biometriialyq säikestendıru jürgızedı.
Eger klient joǧary täuekel tobyna jatqyzylsa nemese alaiaqtyq belgılerı baiqalsa, bank qosymşa qūjattar sūratyp, küşeitılgen tekseru jürgıze alady.
Rezident emes tūlǧalarǧa berıletın bank kartasynyŋ eŋ ūzaq qoldanylu merzımı özgergen joq — 12 aiǧa deiın.
Būǧan deiın, 2025 jyldyŋ basynda, Qazaqstanda rezident emes tūlǧalarǧa bank kartasyn beru talaptary qataŋdatylyp, olardyŋ qoldanylu merzımı bır jylmen şektelgen bolatyn. Engızılgen jaŋa özgerıster şetel azamattarynyŋ Qazaqstandaǧy bank qyzmetterın paidalanu kezındegı bırqatar biurokratiialyq talaptardy jeŋıldetedı.
