Halyq Keŋesınıŋ müşelerıne jalaqy tölenbeidı. Būl turaly bügın, 24 qyrküiek künı keŋes müşesı Mūrat Äbenov aitty, dep habarlaidy «Adyrna» tılşısı.
Ol Qazaqstan Halyq Keŋesınıŋ joǧary konstitusiialyq konsultativtık organ ekenın eske saldy.
«Halyq Keŋesınıŋ müşelerı būl jūmysty aqysyz atqarady, iaǧni jalaqy almaidy. Būl – tolyqtai qoǧamdyq negızdegı qyzmet. Işkı qūndylyqtarymyzǧa, ūstanymdarymyzǧa, közqarastarymyzǧa jäne adaldyǧymyzǧa süiene otyryp, şynaiy ärı sapaly jūmys ısteuge tyrysamyz», – dedı ol.
Aituynşa, keŋes müşelerı qandai da bır lauazym ielenbeidı jäne memlekettık qyzmetker bolyp sanalmaidy.
«Bızge arnaiy kabinet te, qyzmettık kölık te bekıtılmeidı. Ärqaisymyz öz qyzmetımızdı qatar alyp jüremız», – dep atap öttı Äbenov.
Eske salaiyq, 1 şıldeden bastap Qazaqstannyŋ jaŋa Konstitusiiasy küşıne engen edı. Ata zaŋǧa engızılgen özgerısterdı azamattar 15 nauryzda ötken respublikalyq referendumda qoldaǧan bolatyn.
Qazaqstan Halyq Keŋesınıŋ negızgı maqsaty – memlekettık saiasatty qalyptastyru men ıske asyru üderısıne konsultativtık türde qatysu arqyly Qazaqstan halqynyŋ müddesınıŋ memlekettık basqaru jüiesınde eskerıluın qamtamasyz etu.
