Foto: Aqorda
Qazaqstan Prezidentı Qasym-Jomart Toqaev Ortalyq Aziiadaǧy su qauıpsızdıgın qamtamasyz etu üşın transşekaralyq su resurstaryn basqarudyŋ jaŋa tetıkterın äzırleu qajet ekenın aitty, dep habarlaidy "Adyrna".
Būl mäselenı Memleket basşysy Türıkmenstanda ötken Ortalyq Aziia jäne Äzerbaijan memleketterı basşylarynyŋ VIII Konsultativtık kezdesuınde köterdı.
Prezidenttıŋ aituynşa, su problemasy – Ortalyq Aziianyŋ tūraqtylyǧyna qauıp töndıretın basty syn-qaterlerdıŋ bırı. Sondyqtan aimaqtaǧy memleketter su resurstaryn basqaruda özara qūrmet pen teŋqūqylyq qaǧidattaryn basşylyqqa alyp, barlyq eldıŋ müddesın eskeruı kerek.
Prezident Qasym-Jomart Toqaev Ortalyq Aziianyŋ su paidalanu jönındegı negızdemelık konvensiiasyn qabyldaudy ūsyndy. Onyŋ pıkırınşe, būl qūjat öŋırlık yntymaqtastyqtyŋ jaŋa jüiesın qalyptastyruǧa jol aşady. Konvensiia jobasy taraptardyŋ qarauyna ūsynylǧan. Sondai-aq BŪŪ aiasynda Halyqaralyq su ūiymyn qūru bastamasynyŋ özektılıgın atap öttı. Qazaqstan Prezidentı būl bastamany Ortalyq Aziia elderınıŋ ortaq ūstanymy retınde halyqaralyq deŋgeide ılgerıletudıŋ maŋyzyn aitty.
Kezdesude būdan bölek, kölık-logistika salasyndaǧy yntymaqtastyq mäselelerı de talqylandy. Düniejüzılık banktıŋ baǧalauynşa, infraqūrylymdyq jobalar tolyq ıske assa, 2040 jylǧa qarai Kaspii teŋızı arqyly jük tasymaly tört ese artuy mümkın.
