Qazaqstandyq änşı Dimaş Qūdaibergen aldaǧy älemdık turnesı aiasynda 40-tan astam elde öner körsetuı mümkın, dep habarlaidy "Adyrna" tılşısı.
Būl turaly öner iesı Grammy studiiasynyŋ «Global Mixtape» jobasynyŋ alǧaşqy şyǧarylymynda aitty. Jurnalist Valeri Lige bergen sūhbatynda änşı aldaǧy konsertterı, şyǧarmaşylyq josparlary jäne janküierlerımen kezdesuı turaly aitty. Sūhbat barysynda Oŋtüstık Amerika elderıne josparlanǧan konserttık sapar da söz boldy. Älemdık turne turaly sūraqqa jauap bergen Dimaş äzırge naqty elderdıŋ tızımın jariialai almaitynyn jetkızdı.
«Naqty aita almaimyn, bıraq 20-dan astam el boluy mümkın. Bälkım, 30-dan, tıptı 40-tan da asyp keter. Men mümkındıgınşe köp konsert berıp, älemnıŋ barlyq elın aralaǧym keledı. Öitkenı janküierlerımmen kezdeskendı jaqsy köremın», – dedı änşı.
Sonymen qatar Dimaş Niu-Iorktegı äigılı Madison Square Garden arenasynda ötken konsertı turaly derektı film jaryqqa şyǧatynyn habarlady. Onyŋ aituynşa, tuyndy aldaǧy bır-ekı apta ışınde YouTube arnasyna jariialanuy mümkın.
Änşı būl konserttı özı üşın ǧana emes, Qazaqstan üşın de maŋyzdy oqiǧa dep baǧalady.
