Foto: Chris Unger/Zuffa LLC via Getty Images
AQŞ prezidentı Donald Tramp UFC ūiymynyŋ prezidentı Dana Uaitqa Aq üidıŋ baspasöz hatşysy qyzmetın ūsyndy. Būl turaly ol senbı künı Truth Social äleumettık jelısındegı paraqşasynda jazdy, dep habarlaidy "Adyrna".
Tramp öz jazbasynda Dana Uaitty «ūly jauynger ärı qaisar küresker» dep atap, onyŋ Aq üidıŋ baspasöz hatşysy bolǧanyn qalaitynyn jetkızgen. Sondai-aq UFC-dıŋ bırneşe tanymal sportşysyn oǧan kömekşı retınde ūsynǧan.
Atap aitqanda, Tramp İslam Mahachev, Habib Nurmagomedov, Djastin Getji, Daniel Korme, Amanda Nunes jäne Kaila Harristıŋ esımderın ataǧan.
«Dana būryn-soŋdy bolmaǧan baspasöz hatşysy bolady. Dana, ötınemın, būl qyzmetke kelıs!» – dep jazdy AQŞ prezidentı.
Alaida CNN telearnasy derekközderıne sılteme jasap, Dana Uaittyŋ būl ūsynystan bas tartqanyn habarlady. Telearna sūhbattastarynyŋ bırı Tramptyŋ mūndai ūsynysty äzıl retınde jasaǧan boluy mümkın ekenın de aitqan.
Soǧan qaramastan, Uait Tramppen kezdesetının rastady. Ol Londonda jurnalisterge düisenbı künı AQŞ astanasy Vaşingtonǧa baryp, prezidentpen jüzdesetının mälımdedı.
«Düisenbı künı Tramppen kezdesuım bar. Odan ne şyǧatynyn köre jatarmyz», – dedı UFC basşysy.
Sonymen qatar Dana Uait qazırgı uaqytta jūmysynyŋ onsyz da köp ekenın atap öttı.
«Qazırdıŋ özınde atqaratyn jūmysym jetkılıktı», – dedı ol.
Būǧan deiın Uait Tramptyŋ äleumettık jelıdegı jazbasyn öz paraqşasynda bölısıp, Aq üidıŋ baspasöz brifingterı ötetın zaldaǧy mınberdıŋ artynda tūrǧan suretın jariialaǧan. Fotosuretke «Kelesı tarauǧa qadam basamyz» degen jazba qaldyrǧanymen, onyŋ naqty nenı meŋzegenın tüsındırmedı.
Aita keteiık, Dana Uait Respublikalyq partiiany aşyq qoldaidy. Ol partiianyŋ 2016, 2020 jäne 2024 jyldardaǧy sezderınde söz söilegen.
Al Aq üidıŋ baspasöz hatşysy qyzmetı bırneşe aidan berı bos tūr. Tamyz aiynda Kerolain Levitt otbasymen köbırek uaqyt ötkızu maqsatynda qyzmetınen ketken bolatyn. Keiın onyŋ ornyna Keti Zahariia taǧaiyndalǧanymen, ol būl qyzmette nebärı bes kün jūmys ıstegen.
Tramptyŋ Dana Uaitqa qatysty ūsynysy AQŞ äkımşılıgındegı kadrlyq özgerıster kezeŋınde jariialandy. Jūma künı prezident Aq üi apparaty basşysynyŋ orynbasary Stiven Millerdıŋ osy qūrylymnyŋ basşysy qyzmetıne taǧaiyndalatynyn, onyŋ Siuzi Uailstyŋ ornyna keletının mälımdegen.
