Aqmola oblysynda qoǧamdyq kelısımdı saqtau men etnosaralyq tatulyqty nyǧaitu baǧytyndaǧy jūmystardyŋ nätijesı saralanyp, aldaǧy kezeŋnıŋ basymdyqtary aiqyndaldy.
Aqmola oblysy ışkı saiasat basqarmasynyŋ basşysy Gülmira Kärımova «Qoǧamdyq kelısım» KMM-de etnomädeni bırlestıkter men qoǧamdyq qūrylymdardyŋ ökılderımen kezdestı.
Kezdesude biyl atqarylǧan jūmystardyŋ qorytyndysy şyǧarylyp, kelesı jylǧa arnalǧan josparlar ortaǧa salyndy. Äŋgıme tek ötkennıŋ esebımen şektelgen joq. Memleket basşysynyŋ Qazaqstan halqyna Joldauynda belgılengen mındetterdı öŋırlık deŋgeide jüzege asyru mäselelerı de keŋınen qozǧaldy.
Atap aitqanda, qoǧamdyq kelısım men jalpyūlttyq bırlıktı nyǧaitu, azamattyq qoǧam instituttarynyŋ belsendılıgın arttyru, etnosaralyq tatulyqty saqtau jäne qoǧamdyq bastamalarǧa qoldau körsetu baǧyttaryna erekşe nazar audaryldy.
Jiynda qoǧamdyq qūrylymdardyŋ ökılderı öz salalary boiynşa aldaǧy jūmys josparlaryn tanystyrdy. «El jastary» RQB Aqmola öŋırlık ökıldıgınıŋ töraǧasy M. Davranov jastarmen jūmys jäne olardyŋ qoǧamdyq ömırge aralasuy jönındegı bastamalarymen bölıstı.
Mediasiia keŋesınıŋ töraǧasy G. Mädieva qoǧamdaǧy özara tüsınıstık pen dauly mäselelerdı beibıt jolmen şeşudıŋ maŋyzyn atap ötse, Analar alqasynyŋ töraǧasy A. Jahina otbasy qūndylyqtary men ūrpaq tärbiesıne qatysty jūmystarǧa toqtaldy.
Al Jurnalister klubynyŋ töraǧasy G. Salyq aqparattyq baǧyttaǧy mındetterdı ortaǧa saldy. Ǧylymi-saraptamalyq toptyŋ töraǧasy M. Ötegenov qoǧamdyq üderısterdı saraptamalyq tūrǧydan zerdeleu men ǧylymi negızdelgen ūsynystar äzırleu mäselelerıne nazar audardy.
Qoǧamdyq kelısım bır ǧana mekemenıŋ nemese jekelegen ūiymnyŋ küşımen qalyptaspaidy. Ol - türlı qoǧamdyq instituttardyŋ özara senımı, ortaq jauapkerşılıgı jäne kündelıktı jüielı jūmysynyŋ nätijesı.
Sondyqtan mūndai kezdesulerdıŋ mänı atqarylǧan ıstı tügendeumen ǧana ölşenbeidı. Eŋ bastysy - är qūrylymnyŋ qoǧam aldyndaǧy mındetın naqtylap, ortaq maqsat jolyndaǧy ıs-qimylyn üilestıru.
