Nvidia direktorlar keŋesı kompaniianyŋ bas direktory Djensen Huangty qyzmetınen şettetudı qarastyryp jatyr. Būl turaly The Wall Street Journal basylymy jazdy, dep habarlaidy «Adyrna» tılşısı.
Şeşımge onyŋ nekeden tys ekı qarym-qatynasy sebep bolǧan. Onyŋ bırı kompaniia qyzmetkerımen, ekınşısı tyŋşylyq jasady degen küdıkke ılıngen Qytai azamatşasymen bailanysty bolyp otyr.
8 qaraşada Djensen Huang qyzmetkerlerge joldaǧan hatynda äielıne adal bolmaǧanyn moiyndaǧan. Būǧan deiın Nvidia bas direktorynyŋ nekeden tys ekı qarym-qatynasy bolǧany turaly aqparat taraǧan.
Alǧaşqy qarym-qatynasy Singapurdaǧy Megaspeed derektermen jūmys ısteitın kompaniianyŋ basşysy Elis Huangpen bailanysty bolǧan. Būl kompaniia Nvidia-nyŋ ırı klientterınıŋ bırı sanalady. AQŞ barlau qyzmetınıŋ mälımetınşe, Megaspeed Qytaidyŋ arnaiy qyzmetterınıŋ müddesı üşın jūmys ısteidı.
Būdan bölek, Nvidia bas direktorynyŋ kompaniianyŋ densaulyq saqtau baǧyty boiynşa vise-prezidentı Kimberli Pauellmen de qarym-qatynasy bolǧany aityldy.
Djensen Huangtyŋ qyzmetınen ketuı kompaniia tarihyndaǧy tūtas bır däuırdıŋ aiaqtaluyn bıldıruı mümkın. Sebebı däl onyŋ basşylyǧy kezınde Nvidia jasandy intellekt salasyndaǧy jahandyq serpılıstıŋ negızgı qozǧauşy küşıne ainaldy. Al Huangtyŋ özı älemdık geosaiasattaǧy yqpaldy tūlǧalardyŋ bırıne ainaldy. Osylaişa, älemdegı eŋ qymbat kompaniialardyŋ bırı basşysyz qaluy mümkın.
Äzırge Djensen Huangtyŋ ornyna kım taǧaiyndalatyny belgısız. WSJ materialy jariialanǧannan keiın Nasdaq qor birjasynda Nvidia aksiialarynyŋ qūny 8,6 paiyzǧa tömendegen.
23 qazanda Aqordada prezident Qasym-Jomart Toqaev Nvidia basşysy Djensen Huangty qabyldaǧan bolatyn. Kezdesu barysynda kompaniia jetekşısı Qazaqstandy Physical AI, iaǧni robottardy, avtonomdy kölıkterdı jäne öndırıstık prosesterdı basqaratyn fizikalyq jasandy intellekt salasyndaǧy älemdık habqa ainaldyrudy ūsynǧan.
Prezident käsıpkerge eldegı Jİ ekojüiesınıŋ damuyna qosqan ülesı üşın alǧys aityp, ony I därejelı «Dostyq» ordenımen marapattaǧan.
