Jambyl oblysynda alty aida atqarylǧan jūmystar auqymdy

Aǧymdaǧy jyldyŋ alty aiynda Jambyl oblysynda ekonomikanyŋ barlyq salalarynda oŋ dinamika qalyptasqan. Oǧan Memleket basşysynyŋ Qazaqstan halqyna arnalǧan Joldauyndaǧy tapsyrmalardy öŋırımızde tiımdı ıske asyrudyŋ nätijesınde qol jetıp otyr. Būl turaly oblys äkımı Nūrjan Nūrjıgıtovtıŋ töraǧalyǧymen ötken äkımdıktıŋ keŋeitılgen mäjılısınde jan-jaqty aityldy. Alǧaşqy bolyp söz alǧan ekonomika jäne biudjettık josparlau basqarmasynyŋ basşysy Güldana Jauynbekova osy jyldyŋ qaŋtar-mausym ailaryndaǧy oblystyŋ äleumettık-ekonomikalyq damu qorytyndylaryn baiandady. Onyŋ aituynşa, biyl bırınşı toqsanda jalpy öŋırlık önım 463,1 mlrd.teŋgenı qūrap, 5 paiyzǧa artqan. Al, alǧaşqy jarty jyldyqta ekonomikalyq ösım 104,1 paiyzdy qūraǧan. Sol sekıldı önerkäsıp - 108,1 paiyz, auyl şaruaşylyǧy - 102, qūrylys - 105,7, tūrǧyn üi kölemı 103,7, sauda – 105,3, bailanys - 101,9 paiyz deŋgeiınde qalyptasty. 155,8 mlrd. teŋge investisiia tartylyp, 255 mlrd. teŋgege kölık qyzmetı körsetılgen. Özındık kırıster 58,9 mlrd. teŋgege oryndalyp, 25,7 paiyzǧa artsa, biudjet qarajaty 99,9 paiyzǧa igerılgen. Būl körsetkışterdıŋ barlyǧy respublikalyq ortaşa körsetkışten joǧary qalyptasqan. Degenmen, basqarma basşysy Taraz qalasy men audandar bölınısınde bırqatar körsetkışterde jospardy oryndauda sylbyrlyq tanytyp, artta qalǧandardy da aşyp körsettı. Sondai-aq, oblys äkımınıŋ tapsyrmasyna säikes ūlttyq jobalardyŋ oryndalu barysyna jürgızılgen taldau qorytyndysyna da nazar audartty. 10 baǧyt boiynşa jekelei toqtalyp, oryndalmai qalu qaupı bar indikatorlarǧa köŋıl böldı. Oblys äkımı körsetkışı tömen salalyq basqarmalardyŋ basşylarynan jauaptar alyp, jūmysty şiratudy tapsyrdy. - Audandar men basqarmalar özara tyǧyz qarym-qatynasta jūmys ısteuı kerek. Äzırge ol baiqalmaidy. Ortalyq atqaruşy organdarmen de jüielı bailanys ornatu maŋyzdy. Jyldyŋ qorytyndysymen barlyq indikatorlar oryndaluy tiıs. Eşqandai syltau qabyldanbaidy!

Qaita öŋdeu käsıporyndaryn qūru boiynşa jūmystar köŋıl könşıtpeidı. Jeke investisiia esebınen jobalardy jüzege asyruǧa den qoiu qajet. Būl baǧytta är audannyŋ äleuetı eskerıle otyryp, basqarmalarmen bırlesıp äzırlengen josparly jobalar bar. Endı sol jospardyŋ oryndaluy qataŋ baqylauda bolady. Osy tūrǧyda jūmystardy küşeituge eşqandai kedergı joq dep oilaimyn,-dedı Nūrjan Nūrjıgıtov.

Basqarmalardyŋ özderıne tiesılı körsetkışterge qatysty jauaptaryna qanaǧattanbaǧan oblys äkımı özınıŋ orynbasary Nūrjan Kalenderovke indikatorlar bölınısın qaita qaraudy jüktedı. Basqosuda oblys äkımınıŋ orynbasarlary Nūrjan Kalenderov pen Erkın Üisımbaev baiandama jasap, är saladaǧy atqarylǧan jūmystar men özektı mäselelerge airyqşa toqtaldy. Jiynda baǧany tūraqtandyru, jūmyssyzdyqpen küres, mektepterdıŋ ashanalarynda as sapasy, jastar saiasaty, auyldyq klubtardyŋ ştattyq bırlıgın arttyru sekıldı bırqatar özektı mäseleler talqylandy. - Jaŋa oqu jylynda mektepterdegı as sapasy barynşa baqylauda boluy tiıs. Balalar qajettı därumendermen, taza bal, süt sekıldı önımdermen qamtyluy qajet. Ūrpaq tärbiesı, jastar saiasaty – basty nazardan tüspeidı. Oquşylar sabaqtan soŋ bos uaqytynda sportpen, qosymşa üiırmelermen şūǧyldanuy üşın barlyq jaǧdai jasaluda. Köptegen sport keşenderı men alaŋşalar, mädeni mekemeler boi köterude. Osy maqsatta auyldyq klubtardyŋ ştattyq bırlıgın arttyru ısın de qolǧa alyp jatyrmyz.

Sol sekıldı jastar saiasatyna bei-jai qarauǧa bolmaidy. Jastar ortalyqtaryna arnaiy ǧimarat qarastyryp, qajetınşe jabdyqtauǧa den qoiyŋyzdar. NET sanatyndaǧy jastarmen jan-jaqty jūmys jürgızu maŋyzdy,-degen Nūrjan Nūrjıgıtov audan äkımderı men basqarma basşylaryna naqty tapsyrmalar jüktedı.

Jiynda oblys äkımı apparatynyŋ basşysy Mädi Mäten jergılıktı atqaruşy organdardyŋ oryndauşylyq tärtıbı turaly baiandama jasady. Oblys äkımı barlyq tapsyrmalardyŋ uaqytyly oryndalu kerektıgın eskertıp, kerı bailanysty nyǧaitu, atqarylǧan jūmystardy körsete bılu, tūrǧyndardyŋ ötınışterıne der kezınde, sapaly jauap beru sekıldı mäselelerdıŋ maŋyzdylyǧyn basa aitty. Aimaq basşysy mūndai äkımdık mäjılısın endı mümkındıgınşe aiyna bır ret ötetının jetkızdı.