Jambyl oblysynyń ákimi Nurjan Nurjigitovtiń Qordaı aýdanyna jumys sapary Sarybulaq aýylyndaǵy “Samǵaý” sharýa qojalyǵynyń jumysymen tanysýdan bastaldy.
Bıyl 350 gektar alqapqa júgeri, 100 gektarǵa kúzdik bıdaı, 30 gektarǵa arpa ekken qojalyq tamshylatyp sýarý tehnologııasyn tıimdi paıdalanýda. 6 birlik tehnıkasy bar sharýashylyqta 15 adam jumyspen qamtylǵan.
Alǵashqylardyń biri bolyp eginge oraq salǵan qojalyq basshysy Evgenıı Trýbnıkov ár gektaryna 30 entnerden ónim alýdy josparlap otyr. Júgeri alqabyna tamshylatyp sýarý júıesin engizgen ol sýdan tapshylyq kórip otyrǵanyn jetkizdi. Sý máselesi sheshilse, sýarmaly egistik alqabyn ulǵaıtpaq.
- Sý məselesi jyldan jylǵa qıyndap barady. Kórshi elden qajetti sý Kırov sý qoımasynan bosatylǵanymen ol bərine jetpeıdi. Sol úshin uńǵyma qazyp egis alqaptaryn tamshylatyp, jańbyrlatyp sýarýǵa almastyrý qajet. Sol kezde ǵana aǵyn sýǵa degen təýeldilikten arylyp, jerdi tıimdi ıgerýge bolady. Kóp sharýa qojalyqtary qazir uńǵyma qazyp alyp sý məselesin óz betterinshe sheshýde,- dedi oblys əkimi.
Sharýa qojalyq suranysyn eskere otyryp kanaldardy jóndeý, betondaý jumystary kezeń-kezeńmen jalǵasatynyn aıtty.
Kelesi kezekte aımaq basshysy Qordaı aýyly «Batys» yqsham aýdanynda salynyp jatqan №3,4,5,6 60 páterli 5 qabatty turǵyn úılerdi kórdi. Ótken jyly bastalǵan qurylys jumystary kestege sáıkes aǵymdaǵy jyly tamyz aıynda aıaqtalýy tıis. Degenmen, ınjınerlik-kommýnıkaııalyq ınfraqurylym tartýǵa qosymsha qarajat qajet.
Nysandar paıdalanýǵa berilgende aýdanda úı kezeginde turǵan 240 adamnyń baspana máselesi sheshilmek.
Oblys ákimi turǵyn alqaptaǵy buǵan deıin tapsyrylǵan kópqabatty turǵyn úılerdi tekserip, qurylysynyń sapasyzdyǵyn synǵa aldy. Aýdan ákimdigine merdigerdiń jaýapkershiligin qaraý, kemshilikterdi retteý boıynsha tıisti sharalar qabyldaýdy tapsyrdy.
Aýmaqty abattandyrýǵa qatysty da birqatar eskertpeler bildirdi.
Osy aýyldaǵy «EKO CHIKEN» koopertıvi 12 modýldi qus fermasyn ornatqan desek, jyl sońyna deıin taǵy osyndaı 8 nysandy iske qospaq. Nátıjesinde qus etin óndirýdegi jalpy qýattylyq 520 tonnaǵa jetedi dep kútilýde. Bul aýdan turǵyndaryn qus etin tutyný kórsetkishiniń 10 paıyzyn quraıdy. Budan bólek munda 2025 jylǵa deıin qosymsha 20 modýldi qus fermasyn salý josparlanýda. Ol kezde 76 adam turaqty jumyspen qamtylmaq.
Qazirgi tańda árbir qus fermasynda 1,5 myń balapan baǵylýda. Negizinen ónim Almaty qalasy men Qordaı aýdanyndaǵy saýda ortalyqtarynda ótkerilýde.
Ferma basshysy irgesindegi bos jerge jylyjaı jəne 800 basqa arnalǵan mal bordaqylaý alańyn salý, sonymen birge balyq sharýashylyǵyn qatar alyp júrý josparynyń baryn aıtty.
Oblys ákimi ferma jumysyn oń baǵalap, qajetti qoldaýlar kórsetiletinin jetkizdi.
Aımaq basshysy «Qordaı sút ónimderi» JShS de bolyp zaýyt jumysymen tanysty. Zaýyt dırektory Islam Davýzdyń aıtýynsha, zaýyttyń jyldyq qýattylyǵy 800 tonna eken. Onda 40 adam jumys isteıdi. Ótken jyly 1215 tonna sút ónimderin óndirgen.
Kelesi kezekte aımaq basshysy "Nýný" sharýa qojalyǵynyń jumysyn kórdi. Qojalyq jetekshisi Sanı Nýnýdyń aıtýynsha, sharýashylyq 27 gektar alqapty ıgerýde. Qazir səbiz qazyp jatyr. Onyń kılogramyn 100 teńgeden alqap basynan ótkerýde. Səbizden jalpy 35-40 tonna ónim jınaımyn dep josparlaýda.
Otbasy kəsibin jerden taýyp otyrǵan sharýa balalaryn da osy kəsipke baýlýda.
- Aýyl sharýalyǵy ónimine degen qazir suranys joǵary. Sizder sııaqty eńbek adamynyń ónimi jerde qalmaıdy. Halyqty azyq-túlikpen qamtıtyn ózderińizdeı sharýanyń kóp bolǵany jaqsy. Az jerden mol ónim jınaý - úlken jetistik, - dedi Nurjan Nurjigitov.
Óńir basshysy Aýqatty aýyldyq okrýgine qarasty Bəıterek aýylyndaǵy №45 negizgi, Aýqatty eldimekenindegi №9 orta mektepte boldy.
Bəıterektegi negizgi mektep ǵımaratynyń tozyǵy jetkenin eskergen oblys ákimi oqý ordasynyń ǵımaratyn jańadan salý máselesi aldaǵy jyly sheshiletinin atap ótti.
Al Aýqatty aýylynda oblys əkimin mektep ujymy men aýyl turǵyndary qushaq jaıa qarsy aldy. Osynda bilim alǵan Nurjan Nurjigitov synyp bólmelerin aralap, synyptastarymen kezdesip, mekteptiń materıaldyq jaǵdaıymen tanysty. LED ekran arqyly shet elde turatyn ustazy Galına Krıvosheevanyń jyly lebizin tyńdap, synyptastar sýretin tamashalady. Aýlada aýyl qarııalarymen kezdesip, balalyq shaqtaǵy qyzyqty esteligimen bólisti.
