Janbolat Mamai özıne qastandyq jasaluy mümkın ekenın aityp, mälımdeme jasady. Belsendınıŋ mälımdemesın Facebook jelısınde İnga İmanbai jariialady.
Aita keteiık, ol Almatydaǧy qaŋtar oqiǧasy kezındegı tärtıpsızdıkterge qatysty jäne jalǧan aqparat taratuǧa bailanysty qamalǧan bolatyn.
“ Menıŋ, jarty jyldan astam, Almatydaǧy tergeu izoliatorynda jatqanymdy bılesızder. Osy uaqyt ışınde, özıme qarsy qandai da bır qorqytu bolmasa küş körsetken oqiǧa bolǧan emes. Alaida, keşe men özıme qastandyq jasalmaqşy bolyp jatyr degen habar aldym. Maǧan «Mamai özı YouTube-te jariialaǧan bır video üşın basymen jauap beredı» dep jetkızdı. Būl kımnıŋ sälemı dep sūraǧanda, olar özı de qamauda otyrǧan «Dikii Arman» – Arman Jūmageldievten dep jauap berdı. Şynymen-aq, özımnıŋ bır sözımde ony synaǧanym bar. Menıŋ oiymşa, būl «sälemnıŋ» artynda, maǧan qastandyq ūiymdastyryp jatqan, arnaiy qyzmetter tūruy äbden mümkın. Altynbek Särsenbaiūlynyŋ ölımı esterıŋızde bolar? Namysyna tigen sözder aitty-mys, eşkımge jäbırı joq Ütembaev tapsyrys bergen bolyp şyqpap pa edı? Bälkım, bilık maǧan qastandyq jasap, bar kınänı qylmys älemınıŋ bedeldısıne arta salmaq ta şyǧar. Özım alǧan habarǧa qatysty menıŋ oiym osyndai. Maǧan qatysty qandai da bır qastandyqtyŋ artynda, qaşan da, arnaiy qyzmetter men Qazaqstan bilıgı tūratyn bolady dep aşyq, resmi türde mälımdeimın! Türmede eşkımmen özara kikıljıŋım joq, eşqaşan da janjaldasqan emespın. Qūqyq qorǧauşylardan, jurnalisterden, diplomattardan jäne müddelı barlyq jandardan basyma tüsken osy jaǧdaiǧa nazar audaruyn ötınemın”, – dedı Mamai.
”Adyrna” ūlttyq portaly
Ūqsas jaŋalyqtar
