«Bäiterek» ūlttyq basqaruşy holdingı men Sberbank toby Sberdıŋ Qazaqstandaǧy enşıles bankı («Sberbank» AQ EB) aksiialarynyŋ barlyq paketın satyp alu-satu turaly kelısım jasasty. Būl turaly «Bäiterek» AQ mälımdedı, dep habarlaidy “Adyrna” ūlttyq portaly.
«Bäiterek» holdingı eldıŋ qarjy jüiesı üşın banktıŋ maŋyzy joǧary dep esepteidı. Sberbank Qazaqstannyŋ zamanaui infraqūrylymy men tehnologiialary el ekonomikasynyŋ naqty sektoryn qarjylandyrudy jalǧastyruǧa jäne qyzmettı tolyqqandy jürgızuge mümkındık beredı”, – delıngen habarlamada.Bank öz klientterı aldyndaǧy barlyq mındettemesın oryndaudy jalǧastyrady. Būrynǧy klientterı üşın bank önımderı boiynşa barlyq şart özgerıssız qalady. Sondai-aq, mämıle aiasynda bank belsendı operasiialardy tolyq jaŋartuǧa, depozitter tartuǧa jäne tölemder jürgızuge, sondai-aq halyq pen bizneske arnalǧan önımder men qyzmetterdı damytuǧa mümkındık alady. Jaqyn uaqytta «Sberbank Qazaqstanǧa» rebrending jürgızıletını aityldy.
«Bäiterek» holdingı banktıŋ üzdıksız jūmysyn qamtamasyz etuge jäne banktıŋ būrynǧy, sondai-aq jaŋa klientterıne arnalǧan bank qyzmetterın damytu jäne jetıldıru üşın qolaily jaǧdai jasauǧa ūmtylady”, – delıngen habarlamada.Sonymen qatar, mämıle özara qolaily qarjylyq şarttarmen jasalǧany jäne barlyq qajettı retteuşılık maqūldaulardan ötkenı aityldy.
”Adyrna” ūlttyq portaly
Ūqsas jaŋalyqtar
